ನ್ಯೂಸ್ ನಾಟೌಟ್: 2023ರಲ್ಲಿ ನಡೆಯಲಿರುವ ಐಸಿಸಿ ಪುರುಷರ ಏಕದಿನ ವಿಶ್ವಕಪ್ ಕ್ರಿಕೆಟ್ ಕೂಟಕ್ಕೆ ಅಭಿಮಾನಿಗಳು ಕಾದು ಕುಳಿತಿದಿದ್ದಾರೆ. ಈ ನಡುವೆ 2024ರಲ್ಲಿ ನಡೆಯಲಿರುವ ಪುರುಷರ ಟಿ20 ವಿಶ್ವಕಪ್ನ ವೇಳಾಪಟ್ಟಿ ಬಿಡುಗಡೆಯಾಗಿದೆ.
2024 ಜೂನ್ 4 ರಿಂದ ಶುರುವಾಗಿ ಜೂನ್ 30ಕ್ಕೆ ತೆರೆ ಬೀಳಲಿದೆ. ಅಮೆರಿಕದಲ್ಲಿ ಈ ಕ್ರೀಡಾಕೂಟ ಆಯೋಜನೆಗೊಳ್ಳಲಿದೆ. ಒಟ್ಟು 10 ಮೈದಾನಗಳಲ್ಲಿ ಪಂದ್ಯಗಳು ನಡೆಯಲಿವೆ. ವೆಸ್ಟ್ ವಿಂಡೀಸ್ ಹಾಗೂ ಅಮೆರಿಕ ಟೂರ್ನಿಯನ್ನು ಆಯೋಜಿಸುತ್ತಿವೆ. ಒಟ್ಟು 10 ಮೈದಾನಗಳಲ್ಲಿ ಪಂದ್ಯ ನಡೆಯಲಿರುವುದು ವಿಶೇಷ.
2024ರ ವಿಶ್ವಕಪ್ನಲ್ಲಿ ಒಟ್ಟು 20 ಪಂದ್ಯಗಳು ಟೂರ್ನಿಯ ಭಾಗವಾಗಲಿವೆ. 12 ತಂಡಗಳು ಈಗಾಗಲೇ ವಿಶ್ವಕಪ್ಗೆ ಅರ್ಹತೆಯನ್ನು ಪಡೆದುಕೊಂಡಿವೆ. ಆಸ್ಟ್ರೇಲಿಯಾ, ಇಂಗ್ಲೆಂಡ್, ಭಾರತ, ನೆದರ್ಲ್ಯಾಂಡ್, ನ್ಯೂಜಿಲೆಂಡ್, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ಅಫ್ಘಾನಿಸ್ತಾನ, ಬಾಂಗ್ಲಾದೇಶ ಅರ್ಹತೆ ಪಡೆದುಕೊಂಡಿವೆ. ಇನ್ನು ಟೂರ್ನಿ ಆಯೋಜಿಸುತ್ತಿರುವ ಅಮೆರಿಕ ಮತ್ತು ವೆಸ್ಟ್ ವಿಂಡೀಸ್ ನೇರವಾಗಿ ಪಂದ್ಯಾವಳಿಗೆ ಪ್ರವೇಶ ಪಡೆಯಲಿವೆ.
ಕಳೆದ ಬಾರಿಗಿಂತ 2024ರಲ್ಲಿ ನಡೆಯುವ ಟೂರ್ನಿ ತುಂಬಾನೇ ವಿಭಿನ್ನವಾಗಿದೆ. 20 ತಂಡಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗುತ್ತದೆ. ಅವುಗಳಲ್ಲಿ ಪಾಯಿಂಟ್ಸ್ ಆಧಾರದ ಮೇಲೆ ಟಾಪ್-2 ತಂಡಗಳನ್ನು ಸೂಪರ್-8 ಹಂತವನ್ನು ಪ್ರವೇಶ ಮಾಡಲಿವೆ. ಸೂಪರ್ -8 ಹಂತವನ್ನು ತಲಾ 4 ತಂಡಗಳೊಂದಿಗೆ ಎರಡು ಗ್ರೂಪ್ ಮಾಡಲಾಗುತ್ತದೆ. ಈ ಎರಡು ಗ್ರೂಪ್ನಲ್ಲಿ ಗೆಲುವು ಸಾಧಿಸಿದ ಟಾಪ್-2 ತಂಡಗಳು ಸೆಮಿಫೈನಲ್ ಪ್ರವೇಶ ಮಾಡಲಿವೆ. 2022 ವಿಶ್ವಕಪ್ನಲ್ಲಿ ಪಾಕಿಸ್ತಾನ ಇಂಗ್ಲೆಂಡ್ ತಂಡಗಳು ಫೈನಲ್ ಪ್ರವೇಶ ಮಾಡಿದ್ದವು. ಇಂಗ್ಲೆಂಡ್ ತಂಡವು ಪಾಕ್ ತಂಡವನ್ನು ಸೋಲಿಸಿ ಟಿ20 ವಿಶ್ವಕಪ್ಗೆ ಮುತ್ತಿಟ್ಟಿತು.
