ನ್ಯೂಸ್ ನಾಟೌಟ್: ಕಂಠಪೂರ್ತಿ ಕುಡಿದು ಬಾರ್ ಮುಂದೆ ವಾಹನವೊಂದರ ಗಾಜನ್ನು ಪುಡಿ ರೌಡಿಗಳು ಪುಡಿಗೈದ ಘಟನೆ ಕುಂದಾಪುರದ ಬೈಂದೂರಿನಿಂದ ವರದಿಯಾಗಿದೆ.
ವಾಹನ ಬಂದ ವಿಚಾರಕ್ಕೆ ವಾಗ್ವಾದ ನಡೆದಿದೆ. ಈ ವೇಳೆ ಪರಸ್ಪರ ಹಲ್ಲೆ ನಡೆದಿದ್ದು ಟಾಟಾ ಏಸ್ ವಾಹನದಲ್ಲಿದ್ದ ರಮೇಶ್ ದೇವಾಡಿಗ ಹಾಗೂ ರವಿ ಪೂಜಾರಿ ಮೇಲೆ ಪುಡಿ ರೌಡಿಗಳು ಹಲ್ಲೆ ನಡೆಸಿದ್ದಾರೆ.
ಅಷ್ಟಕ್ಕೆ ಸುಮ್ಮನಾಗದ ಪುಂಡರು ಸಿಟ್ಟಿನಿಂದ ನಿಲ್ಲಿಸಿದ ವಾಹನದ ಗಾಜನ್ನು ಮೊದಲು ಹೆಲ್ಮೆಟ್ ನಿಂದ ಹಾಗೂ ನಂತರ ಸೋಡಾ ಬಾಟಲಿಗಳಿಂದ ಪುಡಿ ಮಾಡಿದರು. ಈ ಪ್ರಕರಣದ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾಗಿದೆ. ಇದೀಗ ವಿಡಿಯೋ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಘಟನಾ ಸ್ಥಳಕ್ಕೆ ಬೈಂದೂರು ಪೊಲೀಸರು ಆಗಮಿಸುತ್ತಿದ್ದಂತೆ ಪುಡಿ ರೌಡಿಗಳು ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
