ನ್ಯೂಸ್ ನಾಟೌಟ್:ಕಳೆದ ಕೆಲ ದಿನಗಳಿಂದ ಧಾರಾಕಾರ ಮಳೆಯಾಗುತ್ತಿದ್ದು,ಹಾನಿ ಸಂಭವಿಸುತ್ತಿರುವ ಬಗ್ಗೆ ವರದಿಯಾಗುತ್ತಲೆ ಇದೆ.ಕೆಲವು ಕಡೆ ಪ್ರಾಣ ಹಾನಿಯೂ ಸಂಭವಿಸಿದ ಘಟನೆ ನಡೆದಿದೆ. ಇದೀಗ ಸುಳ್ಯ ತಾಲೂಕಿನ ಸಂಪಾಜೆಯಲ್ಲಿಯೂ ಭಾರಿ ಮಳೆಗೆ ಬಾವಿಯೊಂದು ದಿಢೀರ್ ಕುಸಿತಗೊಂಡಿರುವ ಬಗ್ಗೆ ವರದಿಯಾಗಿದೆ.
ಸಂಪಾಜೆಯ ಕ್ಲಾರೆನ್ಸ್‌ ಡಿಸೋಜಾರವರ ಬಾವಿ ಕುಸಿತಗೊಂಡಿದ್ದು ಕೊಟ್ಟಿಗೆ ಹಾಗೂ ಮನೆ ಸಮೀಪ ಅಪಾಯದ ಸ್ಥಿತಿ ತಲುಪಿದೆ ಎಂದು ತಿಳಿದು ಬಂದಿದೆ.ವರುಣನ ಅಬ್ಬರ ಮುಂದುವರಿದಿರುವುದರಿಂದ ಆ ಕುಟುಂಬ ಆತಂಕದಲ್ಲಿದೆಯೆಂದು ತಿಳಿದು ಬಂದಿದೆ.
