ನ್ಯೂಸ್ ನಾಟೌಟ್ : ಕಾಡಾನೆಗಳ ಉಪಟಳ ಜೋರಾಗಿದೆ.ಇಲ್ಲೊಂದು ಕಡೆ ಮನೆ ಸಮೀಪದಲ್ಲಿರುವ ಶೆಡ್ ಗೆ ನುಗ್ಗಿದ ಕಾಡಾನೆ ಕಾರನ್ನೇ ಪುಡಿಗೊಳಿಸಿದ ಘಟನೆ ಚಿಕ್ಕಮಂಗಳೂರಿನಿಂದ ವರದಿಯಾಗಿದೆ.
ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಹೊಸಕೆರೆಯ ಹೇರಿಕೆ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು,ಮಹೇಶ್ ಎಂಬವರಿಗೆ ಸೇರಿದ ಕಾರು ಜಖಂಗೊಂಡಿದೆ.ಕಾರಿನ ಹಿಂಬದಿಯ ಗ್ಲಾಸ್ ಸಂಪೂರ್ಣ ಪುಡಿ ಮಾಡಿದೆ.
ಘಟನೆ ಸಂಬಂಧ ಪಟ್ಟಂತೆ ಮಹೇಶ್ ಅವರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದರು.ಬಳಿಕ ಸ್ಥಳಕ್ಕೆ ಮೂಡಿಗೆರೆಯ ಆನೆ ಕಾರ್ಯಪಡೆ ಸಿಬ್ಬಂದಿಗಳು ಭೇಟಿ ನೀಡಿ ಪರಿಶೀಲಿಸಿದರು.ಈ ವೇಳೆ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿ ಕೂಡಲೇ ಕಾಡಾನೆಗಳನ್ನು ನಿಯಂತ್ರಿಸುವಂತೆ ಆಗ್ರಹಿಸಿದರು.ಕಾರು ಜಖಂಗೊಂಡಿದ್ದು ಅದಕ್ಕಾದ ನಷ್ಟಕ್ಕೆ ಸೂಕ್ತ ಪರಿಹಾರ ನೀಡುವಂತೆ ಅರಣ್ಯ ಇಲಾಖೆಗೆ ಒತ್ತಾಯಿಸಿದರು.
