ನ್ಯೂಸ್ ನಾಟೌಟ್ : ಸುಳ್ಯದ ಹಳೇಗೇಟ್‌ ಮನೆಯೊಂದರ ಬಳಿ ಹೆಬ್ಬಾವು ಕಾಣಿಸಿ ಕೊಂಡಿದೆ ಎಂಬುದರ ಬಗ್ಗೆ ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ. ಕಳೆದ ಕೆಲ ದಿನಗಳಿಂದ ತಾಯಿ ಮತ್ತು ಅದರ ಮರಿ ಸ್ಥಳೀಯರಿಗೆ ಕಾಣ ಸಿಕ್ಕಿದ್ದು ದಾರಿಯಲ್ಲಿ ನಡೆದುಕೊಂಡು ಹೋಗುವವರು ಎಚ್ಚರಿಕೆಯಿಂದ ಹೋಗಬೇಕಾಗಿ ವಿನಂತಿಸಿದ್ದಾರೆ.
ಈ ವೇಳೆ ಮಾತನಾಡಿರುವ ಮಹಿಳೆಯೊಬ್ಬರು, ನಮ್ಮ ಮನೆಯ ನಾಯಿ ಗೂಡು ಬಳಿ ಹೆಬ್ಬಾವು ಕಾಣಿಸಿಕೊಂಡಿದೆ. ನಾನು ಇದುವರೆಗೆ ನೇರವಾಗಿ ಹೆಬ್ಬಾವನ್ನು ಕಂಡಿರಲಿಲ್ಲ. ಫಸ್ಟ್ ಟೈಮ್ ಹೆಬ್ಬಾವು ನೋಡಿದ ಅನುಭವ ನನ್ನದು ಎಂದಿದ್ದಾರೆ. ಮಾತ್ರವಲ್ಲದೇ ನನ್ನ ಮಗ ರಾತ್ರಿ ವೇಳೆ ಬೈಕ್ ನಲ್ಲಿ ಬರುತ್ತಿದ್ದಾಗ ಆತನಿಗೂ ಹೆಬ್ಬಾವು ಕಾಣಿಸಿಕೊಂಡಿದೆ. ಇನ್ನೇನು ಬೈಕ್ ನಿಂದ ಇಳಿಬೇಕು ಅನ್ನುವಷ್ಟರಲ್ಲಿ ಹೆಬ್ಬಾವು ಕಾಣಿಸಿಕೊಂಡಿದ್ದು,ಕೂಡಲೇ ಆತ ತಪ್ಪಿಸಿ ಕೊಂಡಿದ್ದಾನೆ. ಅದೃಷ್ಟವಶಾತ್ ನನ್ನ ಮಗನಿಗೆ ಏನೂ ಆಗಿಲ್ಲ ಎಂದು ತಿಳಿಸಿದ್ದಾರೆ.
ಇದೀಗ ಮಳೆ ಸಮಯವಾಗಿದ್ದರಿಂದ ಅಲ್ಲಲ್ಲಿ ಗಿಡಗಂಟಿಗಳು ಬೆಳೆದು ಸಮೃದ್ಧವಾಗಿವೆ. ಮಾರ್ಗ ಸೈಡ್ ಗಳಲ್ಲಿ ವಿಪರೀತ ಪೊದೆಗಳಿದ್ದರೆ ಎಚ್ಚರಿಕೆಯಿಂದ ಓಡಾಡುವುದು ಒಳಿತು ಎಂದು ತಿಳಿಸಿದ್ದಾರೆ.
