ನ್ಯೂಸ್ ನಾಟೌಟ್: ದೇವಸ್ಥಾನಕ್ಕೆ ಸೇರಿದ ಎರಡು ಕಾಣಿಕೆ ಡಬ್ಬಿಗಳು ನಿಗೂಢ ರೀತಿಯಲ್ಲಿ ಬೆಳ್ತಂಗಡಿಯ ಲಾಯಿಲದಲ್ಲಿರುವ ಬಜಕ್ರೆ ಸಾಲು ಸೇತುವೆ ಅಡಿಯಲ್ಲಿ ಪತ್ತೆಯಾಗಿದೆ.
ಪತ್ತೆಯಾಗಿರುವ ಕಾಣಿಕೆ ಡಬ್ಬಿಗಳಲ್ಲಿರುವ ನಗದು ಕಳ್ಳತನಗೊಂಡಿದೆ ಅನ್ನುಮಾನ ಹುಟ್ಟಿಕೊಂಡಿದೆ. ಲಾಯಿಲದಿಂದ ಮುಂಡೂರು ಸಂಪರ್ಕಿಸುವ ಸೋಮವತಿ ನದಿಯ ಬಳಿ ಇರುವ ಸೇತುವೆ ಅಡಿಯಲ್ಲಿ ಪ್ಲಾಸ್ಟಿಕ್ ಚೀಲ ಮೊದಲು ಕಂಡು ಬಂದಿದೆ. ಇದನ್ನು ಸ್ಥಳೀಯರೊಬ್ಬರು ಹೋಗಿ ಪರೀಕ್ಷಿಸಿದ್ದಾರೆ. ಆಗ ಒಳಗೆ ಸ್ಟೀಲ್ ಕಾಣಿಕೆ ಡಬ್ಬಿಗಳು ಕಂಡು ಬಂದಿವೆ. ಬಳಿಕ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ. ಯಾರೋ ಕಳ್ಳರು ಕಾಣಿಕೆ ಡಬ್ಬಿ ಕದ್ದು ಅದರಲ್ಲಿದ್ದ ಹಣವನ್ನು ದೋಚಿ ಇಲ್ಲಿ ತಂದು ಎಸೆದಿರಬಹುದು ಅನುಮಾನ ವ್ಯಕ್ತವಾಗಿದೆ. ಸದ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದು ಯಾವ ದೇವಸ್ಥಾನಕ್ಕೆ ಸೇರಿದ ಡಬ್ಬಿಗಳು ಅನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ.
