ನ್ಯೂಸ್ ನಾಟೌಟ್: ಅಜ್ಜಿಯೊಬ್ಬರು ದಾರಿ ತಪ್ಪಿ ತನ್ನವರನ್ನು ಸೇರಲಾಗದೆ ಒದ್ದಾಟ ನಡೆಸಿ ಇದೀಗ ಸುಳ್ಯ ಮಹಿಳಾ ಸಮಾಜದ ಸಾಂತ್ವಾನ ಕೇಂದ್ರದಲ್ಲಿರುವ ಸುದ್ದಿಯೊಂದು ವರದಿಯಾಗಿದೆ.
ಅಪರಿಚಿತ ಅಜ್ಜಿಯೊಬ್ಬರು ಮಂಗಳವಾರ ಸಂಜೆ ಸುಮಾರು 6.00 ಗಂಟೆಗೆ ಸುಳ್ಯ ತಾಲೂಕು ಮರ್ಕಂಜ ಗ್ರಾಮದ ಸೇವಾಜೆ ಎಂಬಲ್ಲಿಯ ಮನೆಯೊಂದಕ್ಕೆ ಬಂದಿದ್ದಾರೆ. ಹಾಗೆ ಬಂದವರಿಗೆ ಸರಿಯಾಗಿ ಮಾತು ಬರುತ್ತಿರಲಿಲ್ಲ. ಇದರಿಂದ ಈಕೆಯ ಮನೆಯವರು ಯಾರು ಅನ್ನುವುದನ್ನು ಕಂಡು ಹಿಡಿಯುವುದಕ್ಕೆ ಕಷ್ಟವಾಗಿದೆ. ಸದ್ಯ ಇವರನ್ನು ದೇವಚಳ್ಳ ಗ್ರಾಮ ಪಂಚಾಯತ್ ಸದಸ್ಯ ಶೈಲೇಶ್ ಅಂಬೆಕಲ್ಲು, ಮರ್ಕಂಜ ಗ್ರಾಮ ಪಂಚಾಯತ್ ಸದಸ್ಯೆ ನಾಗವೇಣಿ ಹಾಗೂ ಸ್ಥಳೀಯರ ಸಹಕಾರದೊಂದಿಗೆ ಸುಳ್ಯ ಮಹಿಳಾ ಸಮಾಜದ ಸಾಂತ್ವಾನ ಕೇಂದ್ರಕ್ಕೆ ತಲುಪಿಸಲಾಗಿದೆ. ಇವರ ಪರಿಚಯ ಇದ್ದವರು ದಯವಿಟ್ಟು ಅವರ ಮನೆಗೆ ತಲುಪಿಸುವಲ್ಲಿ ಸಹಕರಿಸಿ ಎನ್ನುವ ಪೋಸ್ಟ್‌ವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
