ನ್ಯೂಸ್ ನಾಟೌಟ್ : ಮದ್ಯದ ಅಮಲೇರಿ ಮಾಡಿದ ಜಗಳ ಕೊಲೆಯಲ್ಲಿ ಅಂತ್ಯವಾದ ಘಟನೆ ಕೊಡಗಿನ ಗೋಣಿಕೊಪ್ಪಲು ಎಂಬಲ್ಲಿ ನಡೆದಿದೆ.ಇವರಿಬ್ಬರು ಕಂಠಪೂರ್ತಿ ಕುಡಿದು ಗಲಾಟೆ ಆರಂಭಿಸಿದ್ದರು.ನಂತರ ಮಾತಿಗೆ ಮಾತು ಬೆಳೆದು ಒಬ್ಬಾತ ಕತ್ತಿಯಿಂದ ಇರಿದಿದ್ದಾನೆ.ಪರಿಣಾಮ ಗಂಭೀರ ಗಾಯಗೊಂಡು ಮೃತಪಟ್ಟಿದ್ದಾನೆ ಎಂದು ವರದಿಯಾಗಿದೆ.
ಬುಡಕಟ್ಟು ಸಮುದಾಯದ ಲೈನ್‌ಮನೆ ಕಾರ್ಮಿಕ ಮೊನ್ನಿ (32) ಹತ್ಯೆಯಾದ ವ್ಯಕ್ತಿ.ಗ್ರಾಮದ ಕಾಫಿ ಬೆಳೆಗಾರ ಜಮ್ಮಡ ಮನು ಮಾದಪ್ಪ ಅವರ ಲೈನ್‌ಮನೆಯಲ್ಲಿ ವಾಸವಿದ್ದ ಮೊನ್ನಿ ಹಾಗೂ ಶ್ರೀನಿವಾಸ ಅವರು ಮದ್ಯಪಾನ ಮಾಡಿ ಗಲಾಟೆ ಮಾಡಿಕೊಂಡಿದ್ದಾರೆ. ಇದು ಅತಿರೇಕಕ್ಕೆ ಹೋದಾಗ ಶ್ರೀನಿವಾಸ ಕತ್ತಿಯಿಂದ ಮೊನ್ನಿಗೆ ಹೊಡೆದಿದ್ದಾನೆ. ತಲೆಗೆ ತೀವ್ರ ಪೆಟ್ಟು ಬಿದ್ದಿದ್ದರಿಂದ ಮೊನ್ನಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.ಆರೋಪಿ ಶ್ರೀನಿವಾಸ್‌ನನ್ನು ಗೋಣಿಕೊಪ್ಪಲು ಎಸ್ಐ ಸಿದ್ದರಾಜು ಹಾಗೂ ಸಿಬ್ಬಂದಿ ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
