ನ್ಯೂಸ್ ನಾಟೌಟ್: ನಿನ್ನೆ ರಾತ್ರಿ ಸುಳ್ಯದ ಓಡಬಾಯಿಯಿಂದ ಬೈಕ್ ವೊಂದು ಕಳವು ಆಗಿರುವ ಬಗ್ಗೆ ವರದಿಯಾಗಿತ್ತು. ಬೈಕ್ ಗಾಗಿ ಸಾಕಷ್ಟು ಹುಡುಕಾಟ ನಡೆದಿತ್ತು.ಆದರೆ ಆಶ್ಚರ್ಯವೆಂಬಂತೆ ಇಂದು ಸುಳ್ಯದ ಜ್ಯೋತಿ ಸರ್ಕಲ್ ಬಳಿ ಆ ಬೈಕ್ ಪತ್ತೆಯಾಗಿರುವ ಬಗ್ಗೆ ವರದಿಯಾಗಿದೆ.
ತಾಲೂಕಿನ ದೇವಚಳ್ಳ ಗ್ರಾಮದ ಬಾಜಿನಡ್ಕ ಪುನಿತ್ ಎಂಬವರಿಗೆ ಸೇರಿದ ಯಮಹಾ ಕ್ರಕ್ಸ್ ಬೈಕ್( ಕೆ.ಎ.21- ಕ್ಯು- 6668) ಇದಾಗಿದ್ದು, ಅವರ ಸಹೋದರ ನಿನ್ನೆ ರಾತ್ರಿ 9.30ರ ವೇಳೆಗೆ ಓಡಬಾಯಿ ರಸ್ತೆ ಬದಿ ನಿಲ್ಲಿಸಿ ಹೋಗಿದ್ದರು. ವಾಪಾಸ್ ಬಂದು ನೋಡುವಾಗ ಬೈಕ್ ನಾಪತ್ತೆಯಾಗಿತ್ತು.ಆದರೆ ಇಂದು ಬೈಕ್ ಪತ್ತೆಯಾಗಿದ್ದು,ಬೈಕ್ ಹುಡುಕಾಡುವುದಕ್ಕೆ ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳನ್ನು ತಿಳಿಸಿದ್ದಾರೆ.ಇನ್ನು ಈ ಬೈಕ್ ಓಡಬಾಯಿಯಿಂದ ಜ್ಯೋತಿ ಸರ್ಕಲ್ ಗೆ ಹೇಗೆ ಹೋಯಿತು ಎಂಬುದರ ಬಗ್ಗೆ ಭಾರಿ ಚರ್ಚೆಗಳು ನಡಿತಿವೆ.ಈ ಕೃತ್ಯ ನಡೆಸಿದವರು ಯಾರು ? ಎಂಬುದರ ಬಗ್ಗೆಯೂ ಚರ್ಚೆಯಾಗುತ್ತಿದೆ.ಸದ್ಯ ಬೈಕ್ ಕಳವು ಪ್ರಕರಣಕ್ಕೆ ತೆರೆ ಬಿದ್ದರೂ ,ಈ ಘಟನೆಗೆ ಕಾರಣ ಏನು? ಎಂಬ ಪ್ರಶ್ನೆ ಪ್ರಶ್ನೆಯಾಗಿಯೇ ಉಳಿದಿದೆ.
