ನ್ಯೂಸ್ ನಾಟೌಟ್ : ಚಾರ್ಜ್ ನಲ್ಲಿದ್ದ ಮೊಬೈಲ್ ನಲ್ಲಿ ವಿಡಿಯೋ ನೋಡುತ್ತಿದ್ದ ವೇಳೆ ಮೊಬೈಲ್ ಸ್ಪೋಟಗೊಂಡು ದಂಪತಿಯ ಒಬ್ಬಳೆ ಪುತ್ರಿ ದುರಂತ ಅಂತ್ಯ ಕಂಡ ಘಟನೆ ವರದಿಯಾಗಿದೆ.ಕೇರಳದ ತ್ರಿಸ್ಸೂರ್ ಜಿಲ್ಲೆಯ ತಿರುವಿಲವಮಲದಲ್ಲಿ ಈ ದುರ್ಘಟನೆ ನಡೆದಿದೆ.8 ವರ್ಷದ ಬಾಲಕಿ ಆದಿತ್ಯಶ್ರೀ ಮೃತ ಬಾಲಕಿ.
ಪಟ್ಟಿಪರಂಬು ಕುನ್ನತು ವಿತ್ತಿಲ್ ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯ ಅಶೋಕ್ ಕುಮಾರ್ ಮತ್ತು ಸೌಮ್ಯ ದಂಪತಿಯ ಒಬ್ಬಳೇ ಪುತ್ರಿ. ಕ್ರಿಸ್ಟ್ ನ್ಯೂ ಲೈಫ್ ಸ್ಕೂಲ್ನಲ್ಲಿ ಮೂರನೇ ತರಗತಿ ವಿದ್ಯಾರ್ಥಿನಿಯಾಗಿದ್ದಳು.ಈ ಘಟನೆ ಕಳೆದ ರಾತ್ರಿ ನಡೆದಿದೆ. ಮೊಬೈಲ್ ಅನ್ನು ಚಾರ್ಜ್ ಹಾಕಿದ್ದ ವೇಳೆ ಆದಿತ್ಯಶ್ರೀ ವಿಡಿಯೋ ನೋಡುತ್ತಿದ್ದಳು. ಈ ವೇಳೆ ಮೊಬೈಲ್ ಸ್ಫೋಟಗೊಂಡು ಆಕೆ ದುರ್ಮರಣಕ್ಕೀಡಾಗಿದ್ದಾಳೆ. ಘಟನೆ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪಳೆಯನ್ನೂರು ಪೊಲೀಸರು ತನಿಖೆಯನ್ನು ಆರಂಭಿಸಿದ್ದಾರೆ. ಆದಿತ್ಯಾಶ್ರೀ ಮೃತದೇಹವನ್ನು ಖಾಸಗಿ ಆಸ್ಪತ್ರೆಗೆ ಸ್ಥಳಾಂತರಿಸಿದ್ದಾರೆ.
