ನ್ಯೂಸ್ ನಾಟೌಟ್ :ಬೆಳ್ತಂಗಡಿಯಲ್ಲಿ ಅವಳಿ ಸಹೋದರಿಯರು ಸಮಾನ ಅಂಕ ಪಡೆದು ಎಲ್ಲರು ನಿಬ್ಬೆರಗಾಗುವಂತಹ ಸಾಧನೆ ಮಾಡಿದ್ದರೆ, ಸುಳ್ಯ ತಾಲೂಕಿನ ವಳಲಂಬೆಯ ಅವಳಿ ಸಹೋದರಿಯರು ಕೂಡ ವಿಶೇಷ ಸಾಧನೆ ಮಾಡಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಖ್ಯಾತ ಪತ್ರಕರ್ತ ದಿ.ರವಿರಾಜ್ ವಳಲಂಬೆ ಅವರ ಅವಳಿ ಪುತ್ರಿಯರು ಉತ್ತಮ ಅಂಕಗಳನ್ನು ಪಡೆದು ಕೀರ್ತಿ ತಂದಿದ್ದಾರೆ.ಉಡುಪಿಯ ವಿದ್ಯೋದಯ ಪಿ.ಯು.ಕಾಲೇಜಿನ ವಿದ್ಯಾರ್ಥಿನಿಯರಾದ ಸಂಜನಾ ಎಂ.ಆರ್. 568 ಅಂಕ ( ಶೇ.94 ) ಹಾಗೂ ಸಿಂಚನಾ ಎಂ.ಆರ್. 571 ಅಂಕ ( ಶೇ.95 ) ಗಳಿಸಿ ಡಿಸ್ಟಿಂಕ್ಷನ್ ನಲ್ಲಿ ತೇರ್ಗಡೆಯಾಗಿದ್ದಾರೆ.
ದಿ.ರವಿರಾಜ್ ವಳಲಂಬೆ ಅವರು ರಾಜ್ಯಮಟ್ಟದ ಟಿ.ವಿ. ಚಾನೆಲ್ ಗಳಲ್ಲಿ ಹಾಗೂ ಉಡುಪಿಯಲ್ಲಿ ಹಲವು ವರ್ಷಗಳ ಕಾಲ ಪತ್ರಕರ್ತರಾಗಿ ಕೆಲಸ ನಿರ್ವಹಿಸಿ ಖ್ಯಾತ ಪತ್ರಕರ್ತರೆನಿಸಿಕೊಂಡಿದ್ದರು.ಇದೀಗ ಇವರ ಅವಳಿ ಪುತ್ರಿಯರು ಈ ಸಾಧನೆ ಮಾಡಿದ್ದು,ಹೆಮ್ಮೆ ಪಡುವ ವಿಚಾರ.
