ನ್ಯೂಸ್ ನಾಟೌಟ್ : ಸಬ್ ವೇ ರೈಲೊಂದು ಸಂಚಾರ ಮಾಡುತ್ತಿರುವಾಗ ಸ್ನಾನ ಮಾಡಬಹುದೇ? ಅದು ಹೇಗೆ ಸಾಧ್ಯ ಅಂತ ನೀವು ಯೋಚಿಸುತ್ತಿರಬಹುದಲ್ವಾ? ಹೌದು , ಅಲ್ಲಿ ಪ್ರಯಾಣಿಕರೆಲ್ಲ ಕುಳಿತಿರುತ್ತಾರೆ.ಸ್ನಾನದ ಕೊಠಡಿ ಬೇಕಾಗುತ್ತದೆ ಇದೆಲ್ಲ ಕಲ್ಪನೆ ಬರುತ್ತೆ.ಆದರೆ ಇಲ್ಲೊಬ್ಬ ಯುವಕ ಎದ್ದು ನಿಂತು ತನ್ನ ಬಿಳಿ ಶರ್ಟ್ ಮತ್ತು ಕಪ್ಪು ಬಣ್ಣದ ಪ್ಯಾಂಟ್ನ್ನು ಬಿಚ್ಚಿ ಸ್ನಾನ ಮಾಡಿದ ಘಟನೆ ವರದಿಯಾಗಿದೆ.
ತನ್ನ ಕಾಲಬುಡದಲ್ಲಿದ್ದ ಸೂಟ್ಕೇಸ್ ತೆಗೆದು, ಅದರಲ್ಲಿದ್ದ ಒಂದು ಚಿಕ್ಕ ಕ್ಯಾನ್ನಿಂದ ಅದೇ ಸೂಟ್ಕೇಸ್ನಲ್ಲಿ ನೀರು ಸುರಿಯುತ್ತಾನೆ. ಬಳಿಕ ತಾನೂ ಆ ಸೂಟ್ಕೇಸ್ನಲ್ಲಿಯೇ ನಿಂತು ಮೈಮೇಲೆ ನೀರು ಸುರಿದುಕೊಂಡು, ಸ್ಪಂಜ್ನಲ್ಲಿ ಸೋಪ್ ಹಾಕಿ ಉಜ್ಜಿಕೊಳ್ಳುತ್ತಾನೆ. ಅಷ್ಟರಲ್ಲಿ ಅವನ ಅಕ್ಕಪಕ್ಕ ಕುಳಿತಿದ್ದ ಪ್ರಯಾಣಿಕರೆಲ್ಲ ಎದ್ದು ಬದಿಗೆ ಹೋಗಿ ಕುಳಿತುಕೊಳ್ಳುತ್ತಾರೆ. ಈತ ಅದ್ಯಾವುದನ್ನೂ ಗಮನಿಸದೆ, ತನ್ನ ಪಾಡಿಗೆ ತಾನು ಸ್ನಾನ ಮಾಡಿಕೊಂಡು, ಮೈಯನ್ನೆಲ್ಲ ಟವೆಲ್ನಿಂದ ಒರೆಸಿಕೊಂಡು, ಬಿಚ್ಚಿಟ್ಟಿದ್ದ ಬಟ್ಟೆಯನ್ನು ಧರಿಸಿ, ಕೈಯಲ್ಲಿ ನೀರು ತುಂಬಿದ ಸೂಟ್ಕೇಸ್ ಹಿಡಿದು ಕೆಳಗೆ ಇಳಿದು ಹೋಗಿದ್ದಾನೆ.
ವಿಡಿಯೋ ವೀಕ್ಷಿಸಲು ಲಿಂಕ್ ಕ್ಲಿಕ್ ಮಾಡಿ 👉 https://fb.watch/jOsOZkqNP7/
ಈ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟೆ ವೈರಲ್ ಆಗುತ್ತಿದೆ ಮತ್ತು ಈ ಘಟನೆ ವಿಚಿತ್ರವೆಂಬಂತಿದೆ.ಅಂದಹಾಗೇ, ಈ ದೃಶ್ಯ ಚಿತ್ರೀಕರಣವಾಗಿದ್ದು ನ್ಯೂಯಾರ್ಕ್ ಸಿಟಿಯ ಸಬ್ವೇ ಟ್ರೇನ್ನಲ್ಲಿ.ಆತ ಕೊನೆಯಲ್ಲಿ ಟ್ರೇನ್ ಇಳಿಯುವಾಗ ನಗುತ್ತ ಇಳಿದು ಹೋಗುವುದನ್ನು ನೋಡಿದಾಗ ಇದು ತಮಾಷೆಯೇನೋ ಅನ್ನಿಸದೆ ಇರದು. ಆದರೂ ಆ ರೈಲಿನಲ್ಲಿ ಎಲ್ಲರೆದುರು ಬಟ್ಟೆ ಬಿಚ್ಚಿ ಸ್ನಾನ ಮಾಡಿದ ವಿಡಿಯೋ ನೋಡಿದ್ರೆ ಎಲ್ಲರೂ ನಿಬ್ಬೆರಗಾಗುವಂತೆ ಮಾಡುತ್ತೆ..
