ಮಡಿಕೇರಿ: ನಿಲ್ಲಿಸಿದ ಎರಡು ಕಾರುಗಳನ್ನು ಪುಡಿ ಮಾಡಿದ ಕಾಡಾನೆ,ಆತಂಕದಲ್ಲಿ ಸ್ಥಳೀಯರು

ನ್ಯೂಸ್ ನಾಟೌಟ್ :ಕೊಡಗಿನಲ್ಲಿ‌ ಆನೆ ಮತ್ತು ಮಾನವನ ಸಂಘರ್ಷ ಮುಂದುವರಿದಿದ್ದು, ಸ್ವಿಫ್ಟ್‌ ಮತ್ತು ಸ್ಯಾಂಟ್ರೋ ಕಾರಿಗೆ ಕಾಡಾನೆ ಹಾನಿ ಮಾಡಿರುವ ಘಟನೆ ನಡೆದಿದೆ. ನಿಲ್ಲಿಸಿದ ಕಾರಿನ ಮೇಲೆ ಕಾಡಾನೆಯ ದರ್ಪ ಜನರಿಗೆ ಭಯ ಹುಟ್ಟಿಸಿದ ವಾತಾವರಣವನ್ನೇ ನಿರ್ಮಿಸಿತ್ತು.

ಸುಂಟಿಕೊಪ್ಪ ಸಮೀಪದ 7ನೇ ಹೊಸಕೋಟೆಯಲ್ಲಿ ಸ್ವಿಫ್ಟ್ ಮತ್ತು ಸ್ಯಾಂಟ್ರೋ ಕಾರಿನ ಮೇಲೆ ದಾಳಿ‌ ನಡೆಸಿದ ಪುಂಡಾನೆ ಸ್ವಿಫ್ಟ್ ಕಾರನ್ನು ಹೆದ್ದಾರಿಯವರೆಗೂ ತಳ್ಳಿಕೊಂಡು ಬಂದಿದೆ ಎನ್ನಲಾಗಿದೆ. ಬೆಳಗಿನ ಜಾವ 4:30ರ ಸಮಯಕ್ಕೆ ದಾಳಿ ನಡೆಸಿದ ಕಾಡಾನೆ‌ ನಂತರ ಮಾಯಾವಾಗಿದೆ. ಸ್ಥಳಕ್ಕೆ ಅರಣ್ಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.