ನ್ಯೂಸ್‌ನಾಟೌಟ್‌: ಬಿಷ್ಣೋಯಿ ಸಂದರ್ಶನವೊಂದರಲ್ಲಿ ‘ಸಲ್ಮಾನ್ ಖಾನ್ ಅವರನ್ನು ಕೊಲ್ಲುವುದು ತನ್ನ ಜೀವನದ ಗುರಿ’ ಎಂದು ಹೇಳಿಕೊಂಡಿದ್ದರು. ಇದರ ಜೊತೆಗೆ ಆಗಾಗ ಬೆದರಿಕೆ ಕರೆಗಳು ಹಾಗೂ ಇ-ಮೇಲ್‌ಗ‌ಳು ಬರುತ್ತಿರುವ ಹಿನ್ನೆಲೆಯಲ್ಲಿ ಸುರಕ್ಷತೆಗಾಗಿ ಬಾಲಿವುಡ್ ನಟ ಸಲ್ಮಾನ್ ಖಾನ್ ಬುಲೆಟ್‌ ಪ್ರೂಫ್ ಎಸ್‌ಯುವಿ ಕಾರು ಖರೀದಿಸಿದ್ದಾರೆ.
ಹೈ-ಎಂಡ್‌ ನಿಸ್ಸಾನ್‌ ಪ್ಯಾಟ್ರೋಲ್‌ ಎಸ್‌ಯುವಿ ಕಾರನ್ನು ಸಲ್ಮಾನ್ ಖರೀದಿಸಿದ್ದು, ಇದನ್ನು ವಿದೇಶದಿಂದ ಭಾರತಕ್ಕೆ ತರಲಾಗಿದೆ. ಬುಲೆಟ್‌ ಪ್ರೂಫ್ ವ್ಯವಸ್ಥೆ ಸೇರಿದಂತೆ ಎಲ್ಲ ಐಷಾರಾಮಿ ಸೌಲಭ್ಯಗಳನ್ನು ಈ ಕಾರು ಹೊಂದಿದೆ.
ಈಗಾಗಲೇ ಮುಂಬೈ ಪೊಲೀಸರು ಸಲ್ಮಾನ್ ಖಾನ್ ಅವರಿಗೆ ಹೆಚ್ಚಿನ ಭದ್ರತೆ ಒದಗಿಸಿದ್ದು, ಬುಲೆಟ್‌ ಪ್ರೂಫ್ ಕಾರಿನಿಂದ ಭದ್ರತೆ ಇನ್ನಷ್ಟು ಹೆಚ್ಚಾಗಲಿದೆ. ಖಾನ್ ಅವರ ಮುಂಬರುವ ‘ಕಿಸ್ಸಿ ಕಾ ಭಾಯ್, ಕಿಸ್ಸಿ ಕಿ ಜಾನ್’ ಚಿತ್ರ ಇದೇ ತಿಂಗಳ ಕೊನೆಯಲ್ಲಿ ರಂಜಾನ್ ಹಬ್ಬದ ಅಂಗವಾಗಿ ತೆರೆ ಮೇಲೆ ಬರಲಿದೆ. ‘ಟೈಗರ್ 3’ ಮತ್ತು ‘ಟೈಗರ್ v/s ಪಠಾಣ್ ಚಿತ್ರದಲ್ಲಿ ಶಾರುಖ್ ಖಾನ್ ಅವರೊಂದಿಗೆ ಸಲ್ಮಾನ್ ಖಾನ್ ನಟಿಸಲಿದ್ದಾರೆ.
