ನ್ಯೂಸ್ ನಾಟೌಟ್: ಹಸಿವು ಹಾಗೂ ದಾಹವನ್ನು ನೀಗಿಸಿಕೊಳ್ಳಲು ಅಲ್ಲಲ್ಲಿ ಆಹಾರ ಮತ್ತು ನೀರನ್ನು ಹುಡುಕುತ್ತಿರುವ ಹಾವೊಂದು ಬಿಯರ್ ಟಿನ್ ಗೆ ಸಿಲುಕಿಕೊಂಡು ಪರದಾಡಿದ ಘಟನೆ ವರದಿಯಾಗಿತ್ತು. ಕೂಡಲೇ ಬನ್ನೂರಿನ ಉರಗ ತಜ್ಞ ಹಾವನ್ನು ರಕ್ಷಿಸಿ ಮಾನವೀಯತೆ ಮೆರೆದಿದ್ದಾರೆ.
ಬಂಟ್ವಾಳ ತಾಲ್ಲೂಕು ಕರಿಂಕ ಅನಂತಾಡಿ ಎಂಬಲ್ಲಿ ಬಿಯರ್ ಟಿನ್ ಮುಚ್ಚಳಕ್ಕೆ ಸಿಲುಕಿಕೊಂಡ ನಾಗರ ಹಾವೊಂದನ್ನು ಉರಗ ತಜ್ಞ ಬನ್ನೂರು ನಿವಾಸಿ ತೇಜಸ್ ಅವರು ರಕ್ಷಣೆ ಮಾಡಿದ ಘಟನೆ ಎ.1 ರಂದು ನಡೆದಿದೆ. ಅನಂತಾಡಿ ವಸಂತ ಗೌಡ ಅವರ ಜಾಗದಲ್ಲಿದ್ದ ಬಿಯರ್ ಟಿನ್ ಮುಚ್ಚಳಕ್ಕೆ ನಾಗರ ಹಾವೊಂದು ಸಿಲುಕಿ ಒದ್ದಾಡುತ್ತಿತ್ತು.ಈ ಕುರಿತು ಮಾಹಿತಿ ಪಡೆದ ಉರಗ ತಜ್ಞ ತೇಜಸ್ ಅವರು ಹಾವನ್ನು ರಕ್ಷಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.
