ನ್ಯೂಸ್ ನಾಟೌಟ್:ರೋಟರಿ ಸುಳ್ಯ ಹಾಗೂ ರೋಟರಿ ಇನ್ನರ್ ವೀಲ್ ಸಂಸ್ಥೆ ಸುಳ್ಯ ಇದರ ವತಿಯಿಂದ ವಿಶ್ವ ಮಹಿಳಾ ದಿನಾಚರಣೆ ನಡೆಯಿತು.ಕಾರ್ಯಕ್ರಮದಲ್ಲಿ ಮಾತನಾಡಿದ ನಿವೃತ್ತ ಉಪನ್ಯಾಸಕಿ ಶ್ರೀಮತಿ ಲೀಲಾ ದಾಮೋದರ್ ಮಹಿಳೆಯರ ಸಬಲೀಕರಣಕ್ಕಾಗಿ ಅನೇಕ ಕಾರ್ಯಕ್ರಮಗಳು ಇದ್ದರೂ ಕೂಡ ಮಹಿಳೆ ಸಾಂಪ್ರದಾಯಿಕ ಪೊರೆಗಳನ್ನು ಕಳಚಿ ಸಮುದಾಯದ ಮುಖ್ಯವಾಹಿನಿಗೆ ಬರಬೇಕು. ಆಗ ಆಕೆಯ ಸಾಧನೆ ಹಾಗೂ ಅಭಿವೃದ್ಧಿ ಸಾಧ್ಯ ಎಂದು ಹೇಳಿದರು.
ಈ ಕಾರ್ಯಕ್ರಮದಲ್ಲಿ ಸಮಾಜದ ಅನೇಕ ಸ್ತರಗಳಲ್ಲಿ ವನಸುಮಗಳಂತೆ ಸಾಧನೆಗೈದ ಮಹಿಳೆಯರಾದ ಹಿರಿಯ ಪಿಗ್ಮಿ ಸಂಗ್ರಾಹಕಿ ಹಾಗೂ ಗಾಯಕಿ ಶ್ರೀಮತಿ ಆರತಿ ಪುರುಷೋತ್ತಮ್, ಸುಳ್ಯದ ಏಕೈಕ ಮಹಿಳಾ ರಿಕ್ಷಾ ಚಾಲಕಿ ಗೀತಾ ದಯಾನಂದ್ , ಟೈಲರಿಂಗ್ ಉದ್ಯಮದಲ್ಲಿ ಸಾಧನೆ ಮಾಡಿದ ಶ್ರೀಮತಿ ರಾಜೇಶ್ವರಿ ಹಾಗೂ ಅಡಿಕೆ ಮರವೇರಿ ಅಡಿಕೆ ಕೀಳುವುದು ಹಾಗೂ ಔಷಧಿ ಸಿಂಪಡಣೆ ಮಾಡುತ್ತಿರುವ ಶ್ರೀಮತಿ ಚಂದ್ರಲೇಖ ಅಡ್ಕಾರ್ ಇವರನ್ನು ಸಮಾರಂಭದಲ್ಲಿ ಸನ್ಮಾನಿಸಲಾಯಿತು. ಇದರ ಜತೆಗೆ ಮಹಿಳಾ ರೋಟರಿ ಸದಸ್ಯರಿಗೆ ಹಾಗೂ ಇನ್ನರ್ ವೀಲ್ ಸದಸ್ಯರಿಗೆ ಗೌರವಾರ್ಪಣೆ ಸಲ್ಲಿಸಲಾಯಿತು.
ಕಾರ್ಯಕ್ರಮದಲ್ಲಿ ನಿಕಟ ಪೂರ್ವ ಅಧ್ಯಕ್ಷ ಪ್ರಭಾಕರನ್ ನಾಯರ್, ಮುಂಬರುವ ಅಧ್ಯಕ್ಷ ಆನಂದ ಕಂಡಿಗ, ರೋಟರಿ ಕಾರ್ಯದರ್ಶಿ ಮಧುರಾ, ಇನ್ನರ್ ವೀಲ್ ಕಾರ್ಯದರ್ಶಿ ಸವಿತಾ ನಾರ್ಕೊಡು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಚಂದ್ರಶೇಖರ ಪೇರಾಲ್ ವಹಿಸಿದ್ದರು. ಇನ್ನರ್ ವೀಲ್ ಅಧ್ಯಕ್ಷೆ ನಯನಾ ಹರಿಪ್ರಸಾದ್ ಇವರು ವಂದಿಸಿದರು. ಕಾರ್ಯಕ್ರಮದಲ್ಲಿ ಸ್ಪರ್ಧೆಗಳನ್ನು ನಡೆಸಿ ಬಹುಮಾನಗಳನ್ನು ನೀಡಲಾಯಿತು.
