ನ್ಯೂಸ್‌ನಾಟೌಟ್‌: ಭಟ್ಕಳ ತಾಲೂಕಿನ ಒಂದೇ ಕುಟುಂಬದ ನಾಲ್ವರನ್ನು ಹಾಡಹಗಲೇ ಕೊಚ್ಚಿ ಕೊಲೆ ಮಾಡಿರುವ ಭಯಾನಕ ಘಟನೆ ಶುಕ್ರವಾರ ಹಾಡಹಳ್ಳಿ ಗ್ರಾಮೀಣಾ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಶಂಭು ಭಟ್ಟ (68), ಅವರ ಪತ್ನಿ ಮಾದೇವಿ ಭಟ್ಟ (54), ಪುತ್ರ ರಾಜೀವ ಭಟ್ಟ (34) ಮತ್ತು ಕುಸುಮಾ (30)ಮೃತಪಟ್ಟವರು. ಶುಕ್ರವಾರ ಮಧ್ಯಾಹ್ನ ತಮ್ಮ ನಿವಾಸದ ಬಳಿಯಲ್ಲೇ ನಾಲ್ವರು ಕೊಲೆಯಾಗಿ ಬಿದ್ದಿದ್ದರು. ನಾಲ್ವರ ದೇಹದಲ್ಲೂ ಹರಿತವಾದ ಆಯುಧದಿಂದ ಕಡಿದ ಗಾಯಗಳಾಗಿತ್ತು. ಘಟನೆಗೆ ಕಾರಣ ಯಾರು, ಯಾವ ಉದ್ದೇಶಕ್ಕೆ ಹತ್ಯೆ ನಡೆದಿದೆ ಎಂಬುವುದು ತನಿಖೆಯಿಂದ ಇನ್ನಷ್ಟೇ ತಿಳಿದುಬರಬೇಕಿದೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿದ್ದು, ಪರಿಶೀಲನೆ ನಡೆಸಿ ತನಿಖೆ ಮುಂದುವರಿಸಿದ್ದಾರೆ.
ಮೃತ ರಾಜೀವ ಭಟ್ಟರ ಇಬ್ಬರು ಮಕ್ಕಳಲ್ಲಿ ಓರ್ವ ಶಾಲೆಗೆ ಹೋಗಿದ್ದು, ಇನ್ನೋರ್ವ ಮನೆಯಲ್ಲಿದ್ದರೂ ಆತನಿಗೆ ಏನೂ ಮಾಡದೆ ಹಂತಕರು ಪರಾರಿಯಾಗಿದ್ದಾರೆ. ಇದರಿಂದ ಪುಟ್ಟ ಮಕ್ಕಳು ಬಚವಾದರೂ ಅನಾಥರಾಗಿದ್ದಾರೆ.
