ನ್ಯೂಸ್ ನಾಟೌಟ್ : ಕಾರಣಿಕದ ದೈವ ಹಾಗೂ ಹಲವು ಪವಾಡಗಳಿಗೆ ಸಾಕ್ಷಿಯಾಗಿರುವ ಶ್ರೀ ಆದಿಬ್ರಹ್ಮ ಮೊಗೇರ್ಕಳ ದೈವಸ್ಥಾನ ರಾಜಾರಾಂಪುರ ,ದೊಡ್ಡಡ್ಕದ ಸ್ವಾಮಿಕೊರಗಜ್ಜನ 42 ನೇ ನೇಮೋತ್ಸವವು ಮಾರ್ಚ್ 11 ಮತ್ತು 12 ರಂದು ನಡೆಯಲಿದೆ.ನಂಬಿದವರ ಎಂದಿಗೂ ಕೈಬಿಡದ ದೊಡ್ಡಡ್ಕ ಸ್ವಾಮಿ ಕೊರಗಜ್ಜನ ಮಹಿಮೆ ಅಪಾರ . ವರ್ಷಂಪ್ರತಿ ನಡೆಯುವ ನೇಮೋತ್ಸವಕ್ಕೆ ಊರಿನಿಂದ ಮಾತ್ರವಲ್ಲದೇ ಪರವೂರಿನಿಂದಲೂ ಭಕ್ತರು ಆಗಮಿಸಿ ಕೊರಗಜ್ಜನ ದರ್ಶನ ಪಡೆದು ತಮ್ಮ ಕಷ್ಟಗಳನ್ನು ಪರಿಹರಿಸಿಕೊಳ್ಳುತ್ತಿದ್ದಾರೆ.
ಕಾರ್ಯಕ್ರಮಗಳ ವಿವರ:
ಮಾರ್ಚ್ 11 ಶನಿವಾರ ಸ್ಥಳ ಶುದ್ಧೀಕರಣ , ರಾತ್ರಿ 5 ತಂಡಗಳಿಂದ ಭಜನಾ ಕಾರ್ಯಕ್ರಮ, ಮಂತ್ರವಾದಿ ಗುಳಿಗ ನೇಮೋತ್ಸವ, ಶ್ರೀಮೊಗೇರ್ಕಳ ದೈವಗಳ ಗರಡಿ ಇಳಿಯುವುದು, ಮಾಯೆದ ದೇವಿ ತನ್ನಿಮಾನಿ ಗರಡಿ ಇಳಿಯುವುದು, ಬಟ್ಟಲು ಕಾಣಿಕೆ ಹೂವಿನ ಹಾರ ಸಮರ್ಪಣೆ, ಮೊಗೇರ ಪೂಜಾರಿಗಳ ದರ್ಶನ ಸವಾರಿ, ಬಳಿಕ ಹರಿಕೆ ಹಾಗೂ ಪ್ರಸಾದವಿತರಣೆ ನಡೆಯಲಿದೆ. ಮಾರ್ಚ್ ೧೨ ಭಾನುವಾರ ಬೆಳಿಗ್ಗೆ ಶ್ರೀ ಸ್ವಾಮಿ ಕೊರಗಜ್ಜನ ನೇಮೋತ್ಸವ ,ಪ್ರಸಾದ ವಿತರಣೆ ನಡೆಯಲಿದೆ. ಅಜ್ಜನ ದರ್ಶನವನ್ನು ಪಡೆಯಲು ಈ ವರ್ಷ ಸಾವಿರಾರು ಭಕ್ತರು ಆಗಮಿಸಲಿದ್ದಾರೆ ಎಂದು ಆಡಳಿತ ಮಂಡಳಿ ತಿಳಿಸಿದ್ದಾರೆ.
