ನ್ಯೂಸ್ ನಾಟೌಟ್ : ಎರಡು ಬೈಕ್ ಗಳ ಮಧ್ಯೆ ಡಿಕ್ಕಿ ಸಂಭವಿಸಿ ಯುವಕನೋರ್ವ ಗಂಭೀರ ಗಾಯಗೊಂಡಿರುವ ಘಟನೆ ಸುಳ್ಯದ ಬೊಳುಬೈಲು ಎಂಬಲ್ಲಿ ನಡೆದಿದೆ. ಬುಲ್‌ಟ್ ಬೈಕ್ ಹಾಗೂ ಪ್ಲಾಟೀನ ಬೈಕ್ ನಡುವೆ ಅಪಘಾತ ನಡೆದಿದ್ದು, ಗಂಭೀರ ಗಾಯಗೊಂಡ ಯುವಕ ಮಂಗಳೂರು ಆಸ್ಪತ್ರೆಗೆ ದಾಖಲಾಗಿದ್ದಾನೆ ಎಂದು ತಿಳಿದು ಬಂದಿದೆ.
ಸುಳ್ಯದಿಂದ ಜಾಲ್ಸೂರು ಕಡೆಗೆ ಬುಲೆಟ್ ಬೈಕ್ ಸಂಚರಿಸುತ್ತಿತ್ತು.ಅಡ್ಕಾರಿನಿಂದ ಸುಳ್ಯಕ್ಕೆ ಪ್ಲಾಟೀನ ಬೈಕ್ ಬರುತ್ತಿತ್ತು.ಬೊಳುಬೈಲಿನಲ್ಲಿ ಅಪಘಾತ ಸಂಭವಿಸಿತು. ಪರಿಣಾಮ ಪ್ಲಾಟೀನ ಬೈಕ್ ಸವಾರ ಜಿತಿನ್ ಎಂಬವರಿಗೆ ಗಂಭೀರ ಗಾಯಗಳಾಗಿವೆ. ಬೈಕಿನ ಹಿಂಬದಿ ಕುಳಿತಿದ್ದ ಉಲ್ಲಾಸ್ ಅವರು ಸಣ್ಣ ಪುಟ್ಟ ಗಾಯಗಳಾಗಿವೆ.ಬುಲೆಟ್ ಬೈಕ್ ಸವಾರ ಪ್ರಜ್ವಲ್ ಅವರು ಕೂಡ ಸಣ್ಣ ಪುಟ್ಟ ಗಾಯಗಳಿಂದ ಪಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.
