ನ್ಯೂಸ್ ನಾಟೌಟ್ :ಬಾಲಿವುಡ್ ನ ಹೆಸರಾಂತ ನಟಿ ರಾಖಿ ಸಾವಂತ್ ಹಾಗೂ ಮೈಸೂರು ಮೂಲದ ಆದಿಲ್ ದುರಾನಿ ಇವರಿಬ್ಬರ ಜೋಡಿ ಹಲವು ದಿನಗಳಿಂದ ಮೀಡಿಯಾಗಳಲ್ಲಿ ಗಮನ ಸೆಳೆದಿತ್ತು.ಇದೀಗ ಇವರಿಬ್ಬರು ಮದುವೆಯಾಗಿದ್ದಾರೆ ಅನ್ನುವ ಸುದ್ದಿ ಸದ್ಯಕ್ಕೆ ಬಾರಿ ವೈರಲ್ ಆಗಿದೆ.ಅವರಿಬ್ಬರು ರಹಸ್ಯ ಮದುವೆ ಆಗಿದ್ದಾರೆ ಎನ್ನುವ ಸುದ್ದಿ ಹಾಗೂ ಫೊಟೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ವಿವಾಹವಾದ ಬಳಿಕ ರಾಖಿ ಸಾವಂತ್ ಅವರು, ಇಸ್ಲಾಮ್ ಧರ್ಮಕ್ಕೆ ಮತಾಂತರಗೊಂಡು ತಮ್ಮ ಹೆಸರನ್ನು ರಾಖಿಯಿಂದ ಫಾತಿಮಾಗೆ ಬದಲಾಯಿಸಿಕೊಂಡಿದ್ದಾರೆ ಎನ್ನುವ ಮಾಹಿತಿ ಹೊರಬಿದ್ದಿದೆ. ಆದರೆ ಮದುವೆಯ ಸುದ್ದಿಯನ್ನು ಆದಿಲ್ ದುರಾನಿ ತಳ್ಳಿ ಹಾಕಿದ್ದಾರೆ.
ಹೆಸರು ಬದಲಾಯಿಸಿದ ನಟಿ?
ರಾಖಿ ಸಾವಂತ್ ತನ್ನ ವಿಭಿನ್ನ ಮಾತುಗಳಿಂದ ಸೋಶಿಯಲ್ ಮೀಡಿಯಾಗಳಲ್ಲಿ ಬಾರಿ ಸುದ್ದಿಯಾಗಿದ್ದರು.ಕೆಲ ಸಮಯಗಳಿಂದ ಆದಿಲ್ ಖಾನ್ ಜತೆಗಿದ್ದ ವಿಡಿಯೋ ಹಾಗೂ ಫೋಟೊ ಮಿಡಿಯಾಗಳಲ್ಲಿ ಹರಿದಾಡುತ್ತಿದ್ದವು.ಇದೀಗ ತನ್ನ ಬಹುಕಾಲದ ಗೆಳೆಯ, ಮೈಸೂರು ಮೂಲದ ಆದಿಲ್ ಖಾನ್ ದುರಾನಿ ಜತೆಗಿನ ಮದುವೆಯಾಗಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದು, ಈ ಸಮಯದಲ್ಲಿ ರಾಖಿ ಸಾವಂತ್ ತನ್ನ ಹೆಸರನ್ನು ಕೂಡ ಬದಲಾಯಿಸಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ವಿಶೇಷ ಮದುವೆ ಪ್ರಮಾಣಪತ್ರದ ಪ್ರಕಾರ, ರಾಖಿ ಸಾವಂತ್ ಅವರು ಫಾತಿಮಾ ಆಗಿ ಬದಲಾಗಿದ್ದಾರೆ. ಇದಕ್ಕೂ ಮೊದಲು, ನಿನ್ನೆ ರಾಖಿ ವಧುವಿನ ಡ್ರೆಸ್‌ನಲ್ಲಿ ಮತ್ತು ಆದಿಲ್ ಖಾನ್ ಅವರು ವರನ ಡ್ರೆಸ್‌ನಲ್ಲಿರುವ ಫೋಟೋ ವೈರಲ್ ಆಗಿತ್ತು. ಅಲ್ಲದೇ, ಅವರಿಬ್ಬರೂ ಮದುವೆಯಾಗಿದ್ದಾರೆಂಬುದು ಖಚಿತವಾಗಿತ್ತು. ಆದರೆ, ಈ ಎಲ್ಲ ಊಹಾಪೋಹಗಳನ್ನು ಆದಿಲ್ ಅವರು ಸಂಪೂರ್ಣವಾಗಿ ತಳ್ಳಿಹಾಕಿದ್ದಾರೆ.
ರಿತೇಶ್ ಜೊತೆಗಿನ ಬೇರ್ಪಟ್ಟ ನಂತರ ರಾಖಿ, ತಾನು ಮತ್ತೆ ಪ್ರೀತಿಸುತ್ತಿರುವ ಮಾಹಿತಿಯನ್ನು ಬಹಿರಂಗಪಡಿಸಿದ್ದರು. ಹೊರ ಜಗತ್ತಿಗೆ ತಮ್ಮ ಸಂಬಂಧವನ್ನು ಖಚಿತಪಡಿಸಿದ ಬಳಿಕ ಆದಿಲ್ ಹಾಗೂ ರಾಖಿ ಇಬ್ಬರು ಒಟ್ಟಿಗೆ ಹಲವಾರು ಬಾರಿ ಕಾಣಿಸಿಕೊಂಡಿದ್ದಾರೆ.
