ನ್ಯೂಸ್ ನಾಟೌಟ್ : ಸಾಕು ಪ್ರಾಣಿಗಳೆಂದರೆ ಹೆಚ್ಚಿನ ಜನರಿಗೆ ಇಷ್ಟ.ಶ್ರೀಮಂತರು ,ಸೆಲೆಬ್ರಿಟಿಗಳು ದುಬಾರಿ ನಾಯಿ , ಬೆಕ್ಕುಗಳನ್ನು ಸಾಕುತ್ತಾರೆ.ಅದನ್ನು ಐಷರಾಮಿಯಂತೆ ಬೆಳೆಸುತ್ತಾರೆ. ಜನಪ್ರಿಯ ಪಾಪ್ ತಾರೆ ಟೇಲರ್ ಸ್ವಿಫ್ಟ್ ಇಂತಹ ಒಂದು ವಿಶ್ವದ ಶ್ರೀಮಂತ ಬೆಕ್ಕನ್ನು ಸಾಕಿದ್ದಾರೆ. ಇದು ವಿಶ್ವದ ಶ್ರೀಮಂತ ಬೆಕ್ಕು ಕೂಡ.ಇದರ ಬೆಲೆ ಕೇಳಿದ್ರೆ ನೀವು ಶಾಕ್ ಆಗ್ತೀರಾ..
‘ಒಲಿವಿಯಾ ಬೆನ್ಸನ್’ ಶ್ರೀಮಂತ ಬೆಕ್ಕು:
ಅಮೆರಿಕಾದ ಪಾಪ್ ಸ್ಟಾರ್ ಸ್ವಿಫ್ಟ್ ನ ಬೆಕ್ಕು ಅತಿ ಶ್ರೀಮಂತ ಬೆಕ್ಕು.ಅಮೂಲ್ಯ ಬೆಕ್ಕಿನ ಹೆಸರು ಒಲಿವಿಯಾ ಬೆನ್ಸನ್. ಈ ಬೆಕ್ಕು ವಿಶ್ವದ ಮೂರನೇ ಅತ್ಯಂತ ದುಬಾರಿ ಸಾಕು ಪ್ರಾಣಿ ಎಂಬ ಪಟ್ಟಿಗೂ ಸೇರಿಕೊಂಡಿದೆ. ಪಾಪ್ ಸ್ಟಾರ್ ಟೇಲರ್ ಸ್ವಿಫ್ಟ್ 2014 ರಲ್ಲಿ ಒಲಿವಿಯಾ(ಬೆಕ್ಕು)ಅನ್ನು ದತ್ತು ಪಡೆದರು. ಅಂದಿನಿಂದ ಸ್ವಿಫ್ಟ್ ಬೆಕ್ಕಿನೊಂದಿಗೆ ಇದ್ದಾರೆ. ಆಲ್ ಅಬೌಟ್ ಕ್ಯಾಟ್ ಪ್ರಕಾರ, ಒಲಿವಿಯಾ ಅವರ ಅಭಿಮಾನಿಗಳು ಪ್ರಪಂಚದಾದ್ಯಂತ ಇದ್ದಾರೆ. ಒಲಿವಿಯಾವನ್ನು ಹೊರತುಪಡಿಸಿ, ಟೇಲರ್ ಸ್ವಿಫ್ಟ್ , ಮೆರೆಡಿತ್ ಗ್ರೇ ಮತ್ತು ಬೆಂಜಮಿನ್ ಬಟನ್ ಎಂಬ ಎರಡು ಬೆಕ್ಕುಗಳನ್ನು ಸಹ ಹೊಂದಿದ್ದಾರೆ. ಒಲಿವಿಯಾ ಇನ್ಸ್ಟಾಗ್ರಾಮ್ ನ ಪ್ರಭಾವ ಪ್ರಪಂಚದ ಹೊರಗೂ ತನ್ನ ಯಶಸ್ಸನ್ನು ಕಂಡು ಕೊಂಡಿದೆ. ಹಲವಾರು ಸಂಗೀತ ವಿಡಿಯೋಗಳಲ್ಲಿ ತನ್ನ ಮಾಲೀಕರೊಂದಿಗೆ ನಟಿಸಿ, ತನ್ನದೇ ಆದ ವ್ಯಾಪಾರದ ಮಾರ್ಗವನ್ನು ರಚಿಸಿದೆ. ಡಯಟ್ ಕೋಕ್ ಮತ್ತು ನೆಡ್ ಸ್ನೀಕರ್ಸ್ ಸೇರಿದಂತೆ ಅನೇಕ ದೊಡ್ಡ ಬಜೆಟ್ ಜಾಹಿರಾತುಗಳಲ್ಲಿ ಒಲಿವಿಯಾ ನಟಿಸಿದೆ ಎಂದರೆ ಅಚ್ಚರಿ ಪಡಬೇಕಾದ ವಿಚಾರ!
ಬೆಕ್ಕಿನ ಮೌಲ್ಯ ಎಷ್ಟು?
ಒಲಿವಿಯಾ ಬೆನ್ಸನ್ ಬೆಕ್ಕಿನ ಮೌಲ್ಯ 800 ಕೋಟಿ (97 ಮಿಲಿಯನ್ ಡಾಲರ್) ಆಗಿದೆ. ಈ ಬೆಕ್ಕು ವಿಶ್ವದ ಮೂರನೇ ಅತ್ಯಂತ ದುಬಾರಿ ಸಾಕು ಪ್ರಾಣಿಯಾಗಿದೆ. ಜನಪ್ರಿಯ ಪಾಪ್ ತಾರೆ ಸ್ವಿಫ್ಟ್ ಅವರಂತೆಯೇ ಇದೂ ಕೂಡ ಬಹಳ ಪ್ರಸಿದ್ಧವಾಗಿದೆ.
ಸ್ವಿಫ್ಟ್ ವಿಶ್ವದ ಯಶಸ್ವಿ ಮಹಿಳೆ:
ಸ್ವಿಫ್ಟ್ ವಿಶ್ವದ ಅತ್ಯಂತ ಯಶಸ್ವಿ ಮಹಿಳೆಯರಲ್ಲಿ ಒಬ್ಬರು. ಅಮೆರಿಕದ ಪಾಪ್ ಸ್ಟಾರ್ . ಪ್ರತಿ ವರ್ಷ ಸುಮಾರು 150 ಮಿಲಿಯನ್ ಡಾಲರ್ ಗಳಿಸುತ್ತಾರೆ. ಫೋರ್ಬ್ಸ್ 2022ರ ವರದಿಯ ಪ್ರಕಾರ, ಟೇಲರ್ ಸ್ವಿಫ್ಟ್ ಅವರ ನಿವ್ವಳ ಮೌಲ್ಯ $ 570 ಮಿಲಿಯನ್ (ರೂ. 4700 ಕೋಟಿ) ಆಗಿದೆ. ಟೇಲರ್ ಜನಪ್ರಿಯ ಪಾಪ್ ಗಾಯಕಿ. ಇವರ ಜೊತೆಗೆ ಅವರ ಮುದ್ದಿನ ಒಲಿವಿಯಾ ಕೂಡ ತುಂಬಾ ಫೇಮಸ್ ಆಗಿದೆ. ಟೇಲರ್ ಒಲಿವಿಯಾ ಜೊತೆ ಹಲವಾರು ಜಾಹೀರಾತುಗಳಲ್ಲಿ ಕೆಲಸ ಮಾಡಿದೆ. ಇಬ್ಬರಿಗೂ ಸಖತ್ ಫ್ಯಾನ್ ಫಾಲೋವರ್ಸ್ ಇದ್ದಾರೆ ಎನ್ನುವುದು ತಿಳಿದುಕೊಳ್ಳಬೇಕಾದ ಸಂಗತಿ.
