ನ್ಯೂಸ್ ನಾಟೌಟ್: ಕಷ್ಟ ಪಟ್ಟು ದುಡಿದ ಹಣದಲ್ಲಿ ಅಲ್ಪಸ್ವಲ್ಪ ಕೂಡಿಟ್ಟು ತೆಗೆದ 50,000 ರೂ. ಮೌಲ್ಯದ ಚಿನ್ನದ ಬ್ರೆಸ್ಲೈಟ್‌ ಕಾಣೆಯಾಗಿದೆ ಎಂದು ಮಹಿಳೆಯೊಬ್ಬರು ನ್ಯೂಸ್ ನಾಟೌಟ್ ಜೊತೆಗೆ ನೋವನ್ನು ತೋಡಿಕೊಂಡಿದ್ದಾರೆ. ಸುಳ್ಯ ತಾಲೂಕಿನ ಸಂಪಾಜೆಯ ಕಲ್ಲುಗುಂಡಿಯ ಬ್ರೈಟ್ ಕಂಪ್ಯೂಟರ್ ನ ಉದ್ಯೋಗಿಯಾಗಿರುವ ಪ್ರಪುಲ್ಲಾ (26 ವರ್ಷ) ಬ್ರೆಸ್ಲೈಟ್‌ ಕಳೆದುಕೊಂಡವರಾಗಿದ್ದಾರೆ.
ಕಲ್ಲುಗುಂಡಿ ಮೇಲಿನ ಪೇಟೆಯಲ್ಲಿ ನಡೆಯುತ್ತಿರುವ ಸೊಸೈಟಿ ಕ್ರೀಡಾ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಸ್ಕೂಟಿ ಏರಿ ಕಲ್ಲುಗುಂಡಿ ಮಧ್ಯ ಪೇಟೆಯಿಂದ ಪ್ರಪುಲ್ಲಾ ಹೊರಟಿದ್ದರು. ಅಲ್ಲಿ ಕ್ರೀಡಾ ಕೂಟವನ್ನು ಸ್ವಲ್ಪ ಹೊತ್ತು ವೀಕ್ಷಿಸಿ ನೇರವಾಗಿ ತಮ್ಮ ಕಾರ್ಯಕ್ಷೇತ್ರಕ್ಕೆ ವಾಪಸ್ ಆಗಿದ್ದಾರೆ. ಕಚೇರಿಗೆ ಬಂದು ನೋಡಿದಾಗ ಅವರ ಕೈಯಲ್ಲಿದ್ದ ಬೆಲೆ ಬಾಳುವ ಬ್ರೆಸ್ಲೈಟ್‌ ಇರಲಿಲ್ಲ. ಇದರಿಂದ ಗಾಬರಿಯಾಗಿರುವ ಪ್ರಪುಲ್ಲಾ ಅವರು ತಮ್ಮ ಪತಿ, ಸ್ನೇಹಿತರಿಗೆ ವಿಚಾರವನ್ನು ತಿಳಿಸಿದ್ದಾರೆ. ತಕ್ಷಣ ಎಲ್ಲರು ಹುಡುಕಾಡಿದ್ದಾರೆ. ಆದರೆ ಇದುವರೆಗೆ ಸಿಕ್ಕಿಲ್ಲ. ಯಾರಿಗಾದರೂ ಸಿಕ್ಕಿದರೆ ದಯವಿಟ್ಟು ಹಿಂದಿರುಗಿಸಬೇಕೆಂದು ಪ್ರಪುಲ್ಲಾ ಅವರು ನ್ಯೂಸ್ ನಾಟೌಟ್ ಮೂಲಕ ಮನವಿ ಮಾಡಿದ್ದಾರೆ. ಸಿಕ್ಕಿದವರು ಅವರ ಪತಿ ನವೀನ್ ಅವರ ಮೊಬೈಲ್ ಸಂಖ್ಯೆ 8073012126 ಕರೆ ಮಾಡಿ ಮಾಹಿತಿ ನೀಡಬೇಕೆಂದು ಕೋರಲಾಗಿದೆ.
