ನ್ಯೂಸ್ ನಾಟೌಟ್ : ಮನೆಗೆ ತೆರಳುತ್ತಿದ್ದ ಯುವತಿಯ ಸ್ಕೂಟಿಗೆ ಕಾರು ಡಿಕ್ಕಿ ಹೊಡೆಸಿ ಕಿ.ಮೀಗಟ್ಟಲೆ ಎಳೆದೊಯ್ದ ಪ್ರಕರಣ ದೆಹಲಿಯ ಕಂಪಾವಾಲ ಪ್ರದೇಶದಲ್ಲಿ ನಡೆದಿದೆ. 5 ಯುವಕರು ಈ ಕೃತ್ಯ ಎಸಗಿದ್ದು ಎಂದು ತಿಳಿದು ಬಂದಿದ್ದು, ಸದ್ಯ ಪೊಲೀಸರು ಅವರನ್ನು ಬಂಧಿಸಿದ್ದಾರೆ.ದೆಹಲಿಯಲ್ಲಿ ಈ ಹೃದಯವಿದ್ರಾವಕ ಘಟನೆ ನಡೆದಿದೆ. ಕುಡಿದು ಕಾರು ಚಲಾಯಿಸುತ್ತಿದ್ದ ಐವರು ಯುವಕರ ತಂಡ ಸ್ಕೂಟಿಯಲ್ಲಿದ್ದ ಅಮಾಯಕ ಹುಡುಗಿಗೆ ಡಿಕ್ಕಿ ಹೊಡೆದಿದ್ದಾರೆ. ಪರಿಣಾಮ ಯುವತಿ ಸಾವನ್ನಪ್ಪಿದ್ದಾಳೆ.
ಬರೋಬ್ಬರಿ ೮ ಕಿ.ಮೀ. ಎಳೆದೊಯ್ದ ರಕ್ಕಸರು:
ಕಾರನ್ನು ಸ್ಕೂಟಿಗೆ ಡಿಕ್ಕಿ ಹೊಡೆಸಿ ಬರೋಬ್ಬರಿ 8 ಕಿ.ಮೀ ದೂರ ಎಳೆದೊಯ್ದಿದ್ದಾರೆ. ಕಾರು ಗುದ್ದಿದ ರಭಸಕ್ಕೆ ಯುವತಿ ಪ್ರಾಣವನ್ನೇ ಬಿಟ್ಟಿದ್ದಾಳೆ.ಕಾರು ಡಿಕ್ಕಿ ಹೊಡೆದು 8ಕಿ.ಮೀ ದೂರದಲ್ಲಿ ಯುವತಿಯ ಮೃತದೇಹ ಸಿಕ್ಕಿದೆ. ನಗ್ನ ಸ್ಥಿತಿಯಲ್ಲಿ ಆಕೆ ದೇಹ ಸಿಕ್ಕಿದ್ದು, ಪೊಲೀಸರಿಗೆ ಅನುಮಾನ ಕಾಡಿದೆ. ದೆಹಲಿ ಪೊಲೀಸರು ಈ ಪ್ರಕರಣದಲ್ಲಿ ಭಾಗಿಯಾದ ಐವರು ಯುವಕರನ್ನು ಬಂಧಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ.
