ನ್ಯೂಸ್ ನಾಟೌಟ್ : ಮಂಡ್ಯ ಸಂಸದೆ ಸುಮಲತಾ ಅಂಬರೀಶ್ ಅವರು ಬಿಜೆಪಿ ಸೇರ್ಪಡೆಯಾಗುತ್ತಾರೆಂದು ಕಳೆದ ಒಂದು ವರ್ಷದಿಂದ ಚರ್ಚೆಗಳು ನಡಿತ್ತಿದ್ದವು. ಆದರೆ ಇದೀಗ ‘ಸ್ವಾಭಿಮಾನಿ’ ಸಂಸದೆಯ ಫೋಟೋ ಕೇಸರಿ ಪಾಳಯದಲ್ಲಿ ರಾರಾಜಿಸುತ್ತಿದ್ದು,ಬಾರಿ ಚರ್ಚೆಗೆ ಕಾರಣವಾಗಿದೆ.
ಅಮಿತ್ ಶಾ ಆಗಮನ :ಸಕ್ಕರೆ ನಾಡು ಮಂಡ್ಯಕ್ಕೆ ಡಿ. 30 ರಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಆಗಮಿಸುತ್ತಿದ್ದಾರೆ. ಈ ಹಿನ್ನಲೆ ಮಂಡ್ಯವೆಲ್ಲಾ ಕೇಸರಿಮಯವಾಗಿದೆ. ಅದರಲ್ಲು ನಾಳೆ ಅಮಿತ್ ಶಾ ರನ್ನುಸ್ವಾಗತಿಸಲು ಬ್ಯಾನರ್ ಗಳನ್ನು ಆಳವಡಿಸಲಾಗಿದೆ. ಈ ಬ್ಯಾನರ್ ಗಳಲ್ಲಿ ಸ್ವಾಗತಿಸಿ ಹಾಕಿದ ಸುಮಲತಾ ಅಂಬರೀಶ್ ಅವರ ಫೋಟೋ ರಾರಾಜಿಸುತ್ತಿದೆ.ಸುಮಲತಾ ಅಂಬರೀಶ್ ಅವರ ಆಪ್ತ ಇಡವಾಳು ಸಚ್ಚಿದಾನಂದ ಇತ್ತೀಚೆಗೆ ಬಿಜೆಪಿ ಸೇರ್ಪಡೆಯಾಗಿದ್ದು, ಮುಂದಿನ ದಿನಗಳಲ್ಲಿ ಸುಮಲತಾ ಅಂಬರೀಶ್ ಕೂಡ ಬಿಜೆಪಿ ಸೇರ್ತಾರೆ ಎಂಬುವ ಮಾತುಗಳು ಕೇಳಿಬರುತ್ತಿತ್ತು. ಇದೀಗ ರಾಜಕೀಯದಲ್ಲಿ ಸಂಚಲನ ಮೂಡುವಂತೆ ಮಾಡಿದೆ ಬ್ಯಾನರ್ ಪೋಟೋ.
