ತಾಷ್ಕೆಂಟ್: ಉಜ್ಬೇಕ್ ವಾಯು ರಕ್ಷಣಾ ವ್ಯವಸ್ಥೆಯು ಅಫ್ಘಾನಿಸ್ತಾನದ ವಾಯುಪಡೆ ವಿಮಾನವನ್ನು ಹೊಡೆದುರುಳಿಸಿದೆ. ಅಫ್ಘಾನ್ ವಾಯುಪಡೆಯ ವಿಮಾನವು ಉಜ್ಬೆಕ್ ವಾಯುಪ್ರದೇಶವನ್ನು ಅಕ್ರಮವಾಗಿ ಪ್ರವೇಶಿಸುವ ಪ್ರಯತ್ನದಲ್ಲಿದ್ದಾಗ, ಉಜ್ಬೆಕ್ ವಾಯು ರಕ್ಷಣಾ ವ್ಯವಸ್ಥೆಯು ಆ ವಿಮಾನವನ್ನು ಉರುಳಿಸಿದೆ ಎಂದು ರಕ್ಷಣಾ ಸಚಿವಾಲಯವು ಸೋಮವಾರ ಮಾಹಿತಿ ನೀಡಿದೆ. ಆಗಸ್ಟ್ 15ರಂದು, ಸುರ್ಸೊಂಡಾರ್ಯೊ ಪ್ರದೇಶದ ಶೆರಾಬಾದ್ ಜಿಲ್ಲೆಯಲ್ಲಿ, ಅಫ್ಘಾನ್ ಸೇನಾ ವಿಮಾನ ಉಜ್ಬೇಕಿಸ್ತಾನದ ವಾಯುಪ್ರದೇಶವನ್ನು ಅಕ್ರಮವಾಗಿ ಪ್ರವೇಶಿಸುವ ಪ್ರಯತ್ನವನ್ನು ಉಜ್ಬೇಕ್ ವಾಯುಪಡೆಯ ವಾಯು ರಕ್ಷಣಾ ಪಡೆಗಳು ತಡೆದವು ಎಂದು ಸಚಿವಾಲಯದ ವಕ್ತಾರರು ತಿಳಿಸಿದ್ದಾರೆ.
