ನ್ಯೂಸ್ ನಾಟೌಟ್ : ಮಹಾಭಾರತದಲ್ಲಿ ಕೌರವರ ಎದುರು ಪಾಂಡವರು ಪಗಡೆ ಆಟದಲ್ಲಿ ದ್ರೌಪದಿಯನ್ನು ಅಡವಿಟ್ಟು ಸೋತಿದ್ದನ್ನು ಕಥೆಗಳಲ್ಲಿ ಕೇಳಿದ್ದೇವೆ. ಆದರೆ ಇಲ್ಲೊಬ್ಬ ಆಧುನಿಕ ಮಹಿಳೆ ತನ್ನನ್ನೇ ತಾನು ಲುಡೋ ಆಟದಲ್ಲಿ ಅಡವಿಟ್ಟುಕೊಂಡು ಸೋತು ಸುದ್ದಿಯಾಗಿದ್ದಾಳೆ. ಉತ್ತರ ಪ್ರದೇಶದಿಂದ ಇಂತಹದ್ದೊಂದು ವಿಚಿತ್ರ ಘಟನೆ ವರದಿಯಾಗಿದೆ.
ಈ ಮಹಿಳೆಯೇ ಸ್ವಲ್ಪ ವಿಚಿತ್ರವಾಗಿದ್ದಾಳೆ. ಈಕೆಗೆ ಲುಡೋ ಆಟವು ಚಟವಾಗಿ ಪರಿವರ್ತನೆಯಾಗಿ ಬಿಟ್ಟಿತ್ತು. ಆಟ ಆಡದೇ ಮುಂದೆ ಜೀವನವೇ ಇಲ್ಲ ಅನ್ನುವ ಮಟ್ಟಿಗೆ ಬಂದಿದ್ದಳು. ಆಟ ಆಡುತ್ತಲೇ ಹಣವನ್ನೆಲ್ಲ ಕಳೆದುಕೊಂಡು ಬಿಟ್ಟಿದ್ದಳು. ಮುಂದೆ ಇವಳ ಬಳಿ ಕೊಡುವುದಕ್ಕೆ ಏನೂ ಇರಲಿಲ್ಲ. ಇದಕ್ಕಾಗಿ ಆಕೆ ತನ್ನನ್ನೇ ತಾನು ಅಡವಾಗಿಟ್ಟುಕೊಂಡಿದ್ದಾಳೆ. ಖುಷಿಯಿಂದಲೇ ಒಂದು ಕೈ ನೋಡುವಾ ಅಂತ ಈಕೆ ಜತೆ ಜಮೀನ್ದಾರ ಲುಡೋ ಆಡಿದ್ದಾನೆ. ಆತನ ಕಾಯಿ ಗೆದ್ದಿತು. ಮಹಿಳೆ ಸೋತು ಶರಣಾಗಿ ಕೊಟ್ಟ ಮಾತಿನಂತೆ ಇದೀಗ ಹಗಲು -ರಾತ್ರಿ ಆತನ ಸೇವೆ ಮಾಡುತ್ತಿದ್ದಾಳೆ. ಇತ್ತ ಪತ್ನಿ ಲುಡೋದಲ್ಲಿ ಸೋತು ಜಮೀನ್ದಾರನ ಪಾಲಾಗಿರುವ ವಿಷಯ ಕೇಳಿ ಪತಿ ಶಾಕ್‌ಗೆ ಒಳಗಾಗಿದ್ದಾನೆ. ಈ ಆಘಾತದಿಂದ ಹೇಗೋ ಚೇತರಿಸಿಕೊಂಡು ಆತನ ಪೊಲೀಸ್ ಠಾಣೆಯಲ್ಲಿ ಪತ್ನಿಯ ವಿರುದ್ಧ ದೂರು ನೀಡಿದ್ದಾನೆ. ಎರಡು ಮಕ್ಕಳ ತಾಯಿ ಗಂಡನಿಗೆ ಮೋಸ ಮಾಡಿ ಜೂಜು ಆಡಿ ಜಮೀನ್ದಾರನ ಪಾಲಾಗಿರುವ ಮಹಿಳೆ ಬಗ್ಗೆ ಸ್ಥಳೀಯರಿಂದ ವ್ಯಾಪಕ ಟೀಕೆ ವ್ಯಕ್ತವಾಗಿದೆ. ಪತಿ ಉಮೇಶ್ ಇಬ್ಬರು ಮಕ್ಕಳನ್ನು ಕಟ್ಟಿಕೊಂಡು ಕಣ್ಣೀರು ಹಾಕುತ್ತಿದ್ದಾನೆ.
