ನ್ಯೂಸ್ ನಾಟೌಟ್: ಸಾಮಾನ್ಯವಾಗಿ ಅಮ್ಮ ಬೈಯೋದು ಗದರೋದು ಇದ್ದದ್ದೆ. ಆದರೆ ಇಲ್ಲೊಬ್ಬ ಬಾಲಕ ಅಮ್ಮ ಬೈದರು ಎಂದು ಆತ್ಮಹತ್ಯೆ ಘಟನೆ ಉದ್ಯಾನಗರಿಯ ಹೆಬ್ಬಾಳದಲ್ಲಿ ಶುಕ್ರವಾರ ನಡೆದಿದೆ. ಬಾಲಕನ ಆತುರದ ನಿರ್ಧಾರಕ್ಕೆ ಇಡೀ ಕುಟುಂಬವೇ ಈಗ ಕಣ್ಣೀರಾಗಿದೆ.
ಚೋಳನಾಯ ಕನಹಳ್ಳಿ ನಿವಾಸಿ ಗೋವಿಂದ ಅವರ ಪುತ್ರ ಸಾಯಿಕುಮಾರ್ (13) ಮೃತಪಟ್ಟ ಬಾಲಕ. ಈತ ನಗರದ ಖಾಸಗಿ ಶಾಲೆಯಲ್ಲಿ ಏಳನೇ ತರಗತಿಯಲ್ಲಿ ಅಭ್ಯಾಸ ಮಾಡುತಿದ್ದ.
ಶಾಲೆ ಬಿಟ್ಟು ಬಂದ ಸಾಯಿಕುಮಾರ್ ಸಂಜೆ ವೇಳೆಗೆ ಮನೆಯೊಳಗೆ ಸುಮ್ಮನೆ ಕೂತಿದ್ದ. ಅದಕ್ಕಾಗಿ ತಾಯಿಯು ಮಗನ ಜೊತೆ ಬಟ್ಟೆ ಒಣಗಲು ಹಾಕಲು ಹೇಳಿದ್ದಾರೆ. ಆದರೆ ಆತ ತಾಯಿ ಮಾತು ಕೇಳದೆ ಇದ್ದ ಕಾರಣ ತಾಯಿ ಬೈದಿದ್ದಾರೆ . ಇದರಿಂದ ನೊಂದ ಸಾಯಿಕುಮರ್ ಬಟ್ಟೆ ಒಣಗಿ ಹಾಕಲು ಮನೆಯ ತಾರಸಿ ಮೇಲೆ ಹೋಗಿದ್ದಾನೆ. ಬಟ್ಟೆ ಒಣಗಿ ಹಾಕಲು ಹೋದ ಬಾಲಕ ಸಮಯ ಕಳೆದರೂ ಕಾಣದ ಕಾರಣ ತಾಯಿ ಕೂಗಾಡಿದರು. ಆದರೆ ಈತನ ಧ್ವನಿ ಕೇಳಲಿಲ್ಲ ಎಂದು ತಾರಸಿ ಮೇಲೆ ಹೋಗಿ ನೋಡಿದರೆ, ಆತ ಒಣಗಿ ಹಾಕಲು ತೆಗೆದುಕೊಂಡು ಹೋಗಿರುವ ಬಟ್ಟೆಯಲ್ಲಿ ಕಬ್ಬಿಣದ ಕಂಬಿಗೆ ಕಟ್ಟಿ ನೇಣು ಹಾಕಿಕೊಂಡಿದ್ದಾನೆ ಎಂದು ತಿಳಿದು ಬಂದಿದೆ .
