ವರದಿ/ಫೋಟೋಗಳು: ಶರತ್ ಕೀಲಾರು ಸಂಪಾಜೆ
ನ್ಯೂಸ್ ನಾಟೌಟ್ : ಮಹತೋಭಾರ ಇಟಲಿ ಶ್ರೀ ಸೋಮನಾಥೇಶ್ವರ ದೇವಸ್ಥಾನ ದರೆಗುಡ್ಡೆ ಇಲ್ಲಿಗೆ ನೂತನ ಧ್ವಜಸ್ತಂಭದ ಭವ್ಯ ಮೆರವಣಿಗೆ ಕಾರ್ಯಕ್ರಮ ಶುಕ್ರವಾರ ಮಧ್ಯಾಹ್ನ ಗೂನಡ್ಕದಿಂದ ಆರಂಭವಾಗಿದೆ.
ಸುಳ್ಯದ ಬಿಜೆಪಿ ಮಂಡಲ ಅಧ್ಯಕ್ಷ ಹರೀಶ್ ಕಂಜಿಪಿಲಿ ಪುಷ್ಪಾರ್ಚನೆಯೊಂದಿಗೆ ಮೆರವಣಿಗೆಗೆ ಚಾಲನೆ ನೀಡಿದರು. ಸಂಜೆ ೪.೩೦ಕ್ಕೆ ಪುತ್ತೂರು ಮಹಾಲಿಂಗೇಶ್ವರ ದೇವಸ್ಥಾನಕ್ಕೆ ಧ್ವಜಸ್ತಂಭ ತಲುಪಿತು. ಅಲ್ಲಿ ಶಾಸಕ ಸಂಜೀವ ಮಠಂದೂರು ಪುಷ್ಪಾರ್ಚನೆ ನಡೆಸಿದರು. ನಂತರ ಪ್ರಯಾಣ ಬಂಟ್ವಾಳ ತಲುಪಿದ್ದು ಕೊಡಿಮರಕ್ಕೆ ಅಲ್ಲಿ ಶಾಸಕ ರಾಜೇಶ್ ನಾಯ್ಕ್‌ ಉಳೆಪಾಡಿ ಧ್ವಜ ಸ್ತಂಭಕ್ಕೆ ಪುಷ್ಪಾರ್ಚನೆ ನಡೆಸಿದರು. ರಾತ್ರಿ ೭ ಗಂಟೆಗೆ ಸಿದ್ಧಕಟ್ಟೆ ಪುರ ಪ್ರವೇಶಿಸಲಿರುವ ಕೊಡಿಮರಕ್ಕೆ ಶ್ರೀ ಕ್ಷೇತ್ರ ಪೂಂಜಾ ಅಧ್ಯಕ್ಷ ಹಾಗೂ ಸರ್ವಸದಸ್ಯರು ವ್ಯವಸ್ಥಾಪನ ಸಮಿತಿ ಧ್ವಜಸ್ತಂಭಕ್ಕೆ ಪುಷ್ಪಾರ್ಚನೆ ಸಲ್ಲಿಸಲಿದ್ದಾರೆ.
ಅಂತಿಮವಾಗಿ ರಾತ್ರಿ ೮ ಗಂಟೆಗೆ ಕೊಡಿಮರ ಮೂಡುಬಿದಿರೆ ಅಮ್ಮನವರ ಬಸದಿಗೆ ಕೊಡಿಮರ ತಲುಪುವುದಕ್ಕಿದೆ. ಅಲ್ಲಿ ಪಟ್ಣ ಶೆಟ್ಟಿ ಸುದೇಶ್ ಕುಮಾರ್‌ ಪುಷ್ಪಾರ್ಚನೆ ಮಾಡಲಿದ್ದಾರೆ. ಕೊಡಿಮರಕ್ಕಾಗಿ ಗೂನಡ್ಕದ ವರದರಾಜ್ ಸಂಕೇಶ್ ಅವರ ಮನೆ ಜಾಗದಿಂದ ಸಾಗುವಾನಿ ಮರವನ್ನು ಆರಿಸಿಕೊಳ್ಳಲಾಗಿದೆ. ಈ ಧ್ವಜ ಸ್ತಂಭಕ್ಕೆ ಕಲ್ಲಗದ್ದೆ ರಾಮಚಂದ್ರ ಅವರು ಸಹಕಾರ ನೀಡಿದ್ದಾರೆ.
