ನ್ಯೂಸ್ ನಾಟೌಟ್: ಇತ್ತೀಚಿನ ದಿನಗಳಲ್ಲಿ ಹೃದಯಾಘಾತದಿಂದ ಸಾವಿಗೀಡಾಗುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ. ಸೆ.22ರಂದು ಬೆಳಗ್ಗೆ ಹೃದಯಾಘಾತದಿಂದ ಕಡಬ ತಾಲೂಕಿನ ಕೊಣಾಲು ಗ್ರಾಮದ ಶಾಂತಿಮಾರು ನಿವಾಸಿ ದಿ.ಬಾಲಪ್ಪ ಗೌಡರ ಪುತ್ರ ಕೃಷಿಕ ವಿಶ್ವನಾಥ ಯಾನೆ ವಾಸು(41)ರವರು ನಿಧನರಾಗಿದ್ದಾರೆ.
ವಿಶ್ವನಾಥ್ ರವರು ಬೆಳಗ್ಗೆ ಪತ್ನಿಯೊಂದಿಗೆ ಗುಡ್ಡೆಯಿಂದ ಸೊಪ್ಪನ್ನು ತರುವುದಕ್ಕೆಂದು ಹೋಗಿದ್ದರು. ಮನೆಗೆ ಸೊಪ್ಪು ತಂದು ಹಾಕಿದ ಸ್ವಲ್ಪ ಸಮಯದ ಬಳಿಕ ಅವರಿಗೆ ತೀವ್ರ ಎದೆನೋವು ಕಾಣಿಸಿಕೊಂಡಿತು. ತಕ್ಷಣ ಅವರನ್ನು ಕರೆದುಕೊಂಡು ನೆಲ್ಯಾಡಿಯ ಅಶ್ವಿನಿ ಆಸ್ಪತ್ರೆಗೆ ಕರೆ ತರಲಾಯಿತು. ಈ ವೇಳೆಗಾಗಲೇ ಅವರು ಹೃದಯಾಘಾತದಿಂದ ಮೃತಪಟ್ಟಿದ್ದರು ಎಂದು ತಿಳಿದು ಬಂದಿದೆ.
