ನ್ಯೂಸ್ ನಾಟೌಟ್ : ಕೆಲದಿನಗಳ ಹಿಂದೆಯಷ್ಟೇ ಉಡುಪಿಯ ನೇಜಾರಿನಲ್ಲಿ ನಡೆದ ಘನಘೋರ ಘಟನೆಯನ್ನು ಇನ್ನೂ ಅರಗಿಸಿಕೊಳ್ಳಲಾಗುತ್ತಿಲ್ಲ..ಅಷ್ಟರಲ್ಲಾಗಲೇ ಇದೀಗ ಮತ್ತೊಂದು ದಾರುಣ ಘಟನೆಯೊಂದು ನಡೆದಿದೆ.ಮನೆಯ ಸ್ಲೈಡಿಂಗ್ ಗೇಟ್ ಬಿದ್ದು ಬಾಲಕ ದಾರುಣವಾಗಿ ಅಂತ್ಯವಾಗಿರುವ ದುರಂತ ಕೋಟತಟ್ಟು ಎಂಬಲ್ಲಿ ನಡೆದಿದೆ. ಸುಶಾಂತ್ (03) ದುರಂತ ಅಂತ್ಯ ಕಂಡ ಬಾಲಕ.
ಸುಶಾಂತ್ ಸುಧೀರ್ ಕೋಟ್ಯಾನ್ ಶಾರದಾ ದಂಪತಿಯ ಪುತ್ರ. ಮನೆಯ ಬಳಿ ಎಂದಿನಂತೆ ಖುಷಿ ಖುಷಿಯಿಂದ ಆಟವಾಡಿಕೊಂಡಿದ್ದ.ಈ ವೇಳೆ ಗೇಟ್ ಜಾರಿ ಮೈ ಮೇಲೆ ಬಿದ್ದಿದೆ.ರೆಸಾರ್ಟ್ನ ಗೇಟ್ ಪೃಥ್ವಿರಾಜ್ ಎಂಬವವರಿಗೆ ಸಂಬಂಧಿಸಿದ್ದಾಗಿದೆ.ಪುಟ್ಟ ಮಗನನ್ನು ಕಳೆದುಕೊಂಡ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ.ಈ ವಿಷಯ ತಿಳಿದ ಕೂಡಲೇ ಘಟನಾ ಸ್ಥಳಕ್ಕೆ ಕೋಟ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
