ನ್ಯೂಸ್ ನಾಟೌಟ್‌ :ರಾಷ್ಟ್ರ ಮಟ್ಟದ “ನ್ಯಾಷನಲ್ ಅಕ್ಯೂಮೆಂಟ್ ಅವಾರ್ಡ್” ಗೆ ಸುಳ್ಯದ ಗಾಯಕ ವಿಜಯಕುಮಾ‌ರ್ ಭಾಜನರಾಗಿದ್ದಾರೆ.ರಾಯಚೂರಿನ ಬೆಳಕು ಸಾಹಿತ್ಯ, ಶೈಕ್ಷಣಿಕ, ಸಾಂಸ್ಕೃತಿಕ ಟ್ರಸ್ಟ್ ರವರು ವಿವಿಧ ಕ್ಷೇತ್ರದಲ್ಲಿ ಸಾಧನೆಗೈದವರಿಗೆ ಕೊಡ ಮಾಡುವ ಪ್ರಶಸ್ತಿ ಇದಾಗಿದೆ.
ಜ.18ರಂದು ರಾಯಚೂರಿನ ಪಂಡಿತ ಸಿದ್ಧರಾಮ ಜಂಬಲದಿನ್ನಿ ರಂಗಮಂದಿರದಲ್ಲಿ ಕನ್ನಡ ಕಲರವ ಸಮ್ಮೇಳನ ನಡೆದಿದ್ದು,ಅಲ್ಲಿ ವಿಜಯಕುಮಾ‌ರ್ ರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.ಈಗಾಗ್ಲೇ ಹಲವು ಕಡೆ ಸಂಗೀತ ಕಾರ್ಯಕ್ರಮ ನೀಡಿರುವ ಇವರು, ಫೇಸ್ ಬುಕ್ ಲೈವ್, ಇತರ ವೇದಿಕೆಗಳಲ್ಲಿ ಕಾರ್ಯಕ್ರಮ ನೀಡಿದ್ದಲ್ಲದೇ 7 ಸಂಗೀತ ಪ್ರಶಸ್ತಿ, ಹಾಸನ ಜಿಲ್ಲಾ ಪ್ರಶಸ್ತಿ, ಕಾಸರಗೋಡು ಗಡಿನಾಡ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ – 2024 ಸೇರಿದಂತೆ ಹಲವು ಪ್ರಶಸ್ತಿ ಸನ್ಮಾನಗಳಿಗೆ ಭಾಜನರಾಗಿದ್ದಾರೆ.ಸದ್ಯ ಸುಳ್ಯ ಟಿಎಪಿಸಿಎಂಎಸ್ ಇದರ ಉದ್ಯೋಗಿಯಾಗಿದ್ದು, ಕನ್ನಡ ಸಾಹಿತ್ಯ ಪರಿಷತ್ ನ ಸದಸ್ಯರೂ ಆಗಿದ್ದಾರೆ.
