ನ್ಯೂಸ್ ನಾಟೌಟ್: ಕಸದ ತೊಟ್ಟಿಯಲ್ಲಿ ನವಜಾತ ಹೆಣ್ಣು ಶಿಶುವೊಂದು ಕುತ್ತಿಗೆ ಸೀಳಿದ ಸ್ಥಿತಿಯಲ್ಲಿ ಮಧ್ಯಪ್ರದೇಶದ ರಾಜ್‌ ಗಢ ಜಿಲ್ಲೆಯ ಪಚೋರ್‌ ಪಟ್ಟಣದಲ್ಲಿ ಶನಿವಾರ(ಜ.11) ಪತ್ತೆಯಾಗಿದೆ. ಶಿಶು ಚೀರಾಡುತ್ತಿದ್ದನ್ನು ಕೇಳಿಸಿಕೊಂಡ ಪಾದಚಾರಿಗಳು, ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಸದ್ಯ ಶಿಶುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿದ್ದೇವೆ. ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದು ಠಾಣಾಧಿಕಾರಿ ತಿಳಿಸಿದ್ದಾರೆ. ‘ಶಿಶುವಿನ ಗಂಟಲಿನ ಮೇಲ್ಭಾಗವನ್ನು ಹರಿತವಾದ ಆಯುಧದಿಂದ ಸೀಳಲಾಗಿದೆ’ ಎಂದಿರುವ ವೈದ್ಯ ಡಾ.ಪಿಎಸ್‌.ಪರ್ಮಾರ್‌, ‘ಮಗು ಜನಿಸಿ ಒಂದೆರಡು ದಿನವಾಗಿದೆಯಷ್ಟೇ. ಪ್ರಥಮ ಚಿಕಿತ್ಸೆ ನೀಡಿ, ರಾಜ್‌ ಗಢ ಜಿಲ್ಲಾಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ’ ಎಂದಿದ್ದಾರೆ.ಹೆಚ್ಚಿನ ಚಿಕಿತ್ಸೆಗಾಗಿ ಮಗುವನ್ನು ಭೋಪಾಲ್‌ ಆಸ್ಪತ್ರೆಗೆ ಕಳುಹಿಸಲಾಗುತ್ತಿದೆ ಎಂದು ರಾಜ್‌ಗಢದ ಆರೋಗ್ಯಾಧಿಕಾರಿ ಡಾ ಕಿರಣ್ ವಾಡಿಯಾ ಮಾಹಿತಿ ನೀಡಿದ್ದಾರೆ. Click