ನ್ಯೂಸ್ ನಾಟೌಟ್: ಮಿರ್ಜಾಪುರದ ಇಸ್ಟಾಗ್ರಾಮ್ ಪ್ರಭಾವಿಯೊಬ್ಬರು ಆಟೋ ಚಾಲಕನನ್ನು ಥಳಿಸಿ ಅಮಾನವೀಯವಾಗಿ ವರ್ತಿಸಿದ್ದಾರೆ. ಇದಕ್ಕೆ ಸಾರ್ವಜನಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ, ಯುವತಿಯೊಬ್ಬಳು ಆಟೋ ರಿಕ್ಷಾ ಚಾಲಕನನ್ನು ಹೊಡೆಯುವುದನ್ನು ಕಾಣಬಹುದು. ಆಟೋ ಬಾಡಿಗೆ ವಿಚಾರವಾಗಿ ಯುವತಿ ಆಟೋ ಚಾಲಕ ವಿಮಲೇಶ್ ಶುಕ್ಲಾ ಅವರಿಗೆ ಥಳಿಸಿದ್ದಾಳೆ ಎನ್ನಲಾಗಿದೆ. ವಿಡಿಯೋ ಕ್ಲಿಪ್‌ನ ಲ್ಲಿ, ಯುವತಿ ಆಟೋ ಚಾಲಕನ ಮೇಲೆ ದೌರ್ಜನ್ಯ ಎಸಗುತ್ತಿರುವುದನ್ನು ಮತ್ತು ಹಲ್ಲೆ ಮಾಡುತ್ತಿರುವುದನ್ನು ಕಾಣಬಹುದು. ವೀಡಿಯೊದ ಕೊನೆಯಲ್ಲಿ, ಆಟೋ ಚಾಲಕನು ಹುಡುಗಿಯ ಪಾದಗಳನ್ನು ಮುಟ್ಟುವುದನ್ನು ಸಹ ಕಾಣಬಹುದು. ಈ ಕ್ಲಿಪ್ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ ಆಟೋ ಚಾಲಕ ಈಗ ಬಗ್ಗೆ ದೂರು ನೀಡಿದ್ದು ಹೀಗಾಗಿ ಮಿರ್ಜಾಪುರ ಪೊಲೀಸರು ಯುವತಿಯ ವಿರುದ್ಧ ವಿವಿಧ ಸೆಕ್ಷನ್‌ ಗಳ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ಈ ಮಧ್ಯೆ ಯುವತಿ ಪ್ರಿಯಾಂಶಿ ಕೂಡ ಇನ್‌ಸ್ಟಾಗ್ರಾಮ್‌ನಲ್ಲಿ ಖಾತೆಯನ್ನು ಹೊಂದಿದ್ದಾಳೆ. ಆಕೆ ಒಂದು ವಿಡಿಯೋ ಮಾಡಿ ಈ ಸಂಪೂರ್ಣ ವಿಷಯದ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.
ಆಟೋ ರಿಕ್ಷಾ ಚಾಲಕನಿಗೆ ಥಳಿತ ಮತ್ತು ಮಿರ್ಜಾಪುರ ಪೊಲೀಸರ ಕ್ರಮದ ನಡುವೆ, @priyanshi_mzp ಇನ್‌ ಸ್ಟಾಗ್ರಾಮ್‌ ನಲ್ಲಿ ವಿಡಿಯೋ ಪೋಸ್ಟ್ ಮಾಡಿ ತನ್ನ ಕಡೆಯಿಂದ ಕಥೆಯನ್ನು ಹೇಳಿಕೊಂಡಿದ್ದಾರೆ. ತಾನು ಎಲ್ಲೋ ಹೋಗಲು ಆಟೋ ಸ್ಟ್ಯಾಂಡ್‌ನಲ್ಲಿ ನಿಂತಿರುವುದಾಗಿ ಹೇಳುತ್ತಾಳೆ. ಈ ಸಮಯದಲ್ಲಿ, ಒಬ್ಬ ಆಟೋ ಚಾಲಕ ಅವಳ ಮೇಲೆ ಕೆಲವು ಅಶ್ಲೀಲ ಕಾಮೆಂಟ್‌ ಗಳನ್ನು ಮಾಡುತ್ತಾನೆ. ಇದರಿಂದ ಅವಳು ಕೋಪಗೊಂಡು ಎಲ್ಲರ ಮುಂದೆ ಅವನನ್ನು ಹೊಡೆದಿರುವುದಾಗಿ ಹೇಳಿದ್ದಾಳೆ.
Click
