ನ್ಯೂಸ್ ನಾಟೌಟ್: ವ್ಯಕ್ತಿಯೊಬ್ಬರು ಕಾರು ಪಾರ್ಕ್ ಮಾಡಿ ಅದರೊಳಗೆ ಗಡದ್ ನಿದ್ದೆ ಮಾಡಿದ ಪರಿಣಾಮ ಅದರೊಳಗಿದ್ದ ಚಿನ್ನಾಭರಣ, ನಗದು ಇರುವ ಬ್ಯಾಗ್ ಮತ್ತು ಮೊಬೈಲ್ ಫೋನ್ ಕದ್ದು ಹೋಗಿರುವ ಘಟನೆ ಪಣಂಬೂರು ಬೀಚ್‌ನಲ್ಲಿ ನಡೆದಿದೆ.
ಈ ಕುರಿತು ದೂರು ನೀಡಿರುವ ನಹೀಮ್ ಅಹಮ್ಮದ್ ಅನ್ನುವವರು ಅಕ್ಟೋಬರ್ 26ಕ್ಕೆ ಬೆಂಗಳೂರಿನಿಂದ ಹೊರಟು ಹರಿಹರದಲ್ಲಿ ಸಂಬಂಧಿಕರ ಮದುವೆಯಲ್ಲಿ ಪಾಲ್ಗೊಂಡಿದ್ದೆ, ಬಳಿಕ ಉಡುಪಿ ಮೂಲಕ ಮಂಗಳೂರಿಗೆ ಬಂದಿರುವಾಗ ಕಳವಾಗಿದೆ ಎಂದು ತಿಳಿಸಿದ್ದಾರೆ.
ಪಣಂಬೂರು ಬೀಚ್‌ನ ಹೋಟೆಲೊಂದರ ಬಳಿ ಕಾರು ನಿಲ್ಲಿಸಿ ನಹೀಮ್ ನಿದ್ದೆ ಮಾಡುತ್ತಿದ್ದರು. ಪತ್ನಿ ಮತ್ತು ಮಕ್ಕಳು ಸಮುದ್ರದ ಅಲೆಗಳನ್ನು ನೋಡುತ್ತಿದ್ದರು. ಕಾರಿನ ಗಾಜುಗಳನ್ನು ಇಳಿಸಲಾಗಿತ್ತು. ಅಲ್ಲಿಂದ ಉಳ್ಳಾಲ ದರ್ಗಾಕ್ಕೆ ತೆರಳಿದ್ದಾರೆ. ಪ್ರಾರ್ಥನೆ ಸಲ್ಲಿಸಿ ವಾಪಸಾಗಿ ಮೊಬೈಲ್ ಫೋನ್ ಚಾರ್ಜರ್ ಹುಡುಕಿದಾಗ ಆಭರಣ ಇರಿಸಿದ್ದ ವ್ಯಾನಿಟಿ ಬ್ಯಾಗ್ ಮತ್ತು ಮೊಬೈಲ್ ಫೋನ್ ಕಳವಾಗಿರುವುದು ತಿಳಿದುಬಂದಿದೆ. ಒಟ್ಟು ರೂ. 2.67 ಲಕ್ಷ ಎಂದು ಅಂದಾಜಿಸಲಾಗಿದೆ ಎಂದು ತಿಳಿದು ಬಂದಿದೆ.
