ನ್ಯೂಸ್ ನಾಟೌಟ್: ಖ್ಯಾತ ಕಾಲಿವುಡ್‌ – ಟಾಲಿವುಡ್‌ ನಟಿ ನಿವೇತಾ ಪೇತುರಾಜ್ (Nivetha Pethuraj) ಬಳಿಯಿಂದ 8 ವರ್ಷದ ಬಾಲಕನೊಬ್ಬ ಹಣ ಕಸಿದುಕೊಂಡು ಪರಾರಿ ಆಗಿರುವ ಘಟನೆ ನಡೆದಿದ್ದು, ಈ ಬಗ್ಗೆ ನಟಿ ಮಾಹಿತಿ ಹಂಚಿಕೊಂಡಿದ್ದಾರೆ. ಕಾಲಿವುಡ್‌ – ಟಾಲಿವುಡ್‌ ಸಿನಿಮಾರಂಗದಲ್ಲಿ ಜನಪ್ರಿಯ ನಟಿಯಾಗಿ ಗುರುತಿಸಿಕೊಂಡಿರುವ ನಟಿ ನಿವೇತಾ ಪೇತುರಾಜ್ ತಮ್ಮ ಜತೆ ನಡೆದ ಕಹಿ ಘಟನೆಯೊಂದರ ಬಗ್ಗೆ ಬರೆದುಕೊಂಡಿದ್ದಾರೆ. ಚೆನ್ನೈನ ಅಡ್ಯಾರ್ ಸಿಗ್ನಲ್ ನಲ್ಲಿ ಕಾರಿನಲ್ಲಿದ್ದ ನಿವೇತಾ ಬಳಿ 8 ವರ್ಷ ಬಾಲಕನೊಬ್ಬ ಪುಸ್ತಕ ಮಾರುತ್ತಾ ಬಂದಿದ್ದಾನೆ. 50 ರೂಪಾಯಿಗೆ ಪುಸ್ತಕ ಮಾರಾಟ ಮಾಡುತ್ತಿದ್ದ ಬಾಲಕನ ಕೈಗೆ ನಟಿ 100 ರೂಪಾಯಿ ಕೊಟ್ಟಿದ್ದಾರೆ. ಆದರೆ ಈ ವೇಳೆ ಬಾಲಕ ನಟಿಯಿಂದ 500 ರೂಪಾಯಿ ಕೇಳಿದ್ದಾನೆ. ಇದಕ್ಕೆ ನಿವೇತಾ ಅವರು ಕೂಡಲೇ ಪುಸ್ತಕವನ್ನು ಹಿಂದಕ್ಕೆ ಕೊಟ್ಟು 100 ರೂಪಾಯಿ ವಾಪಾಸ್‌ ತೆಗೆದುಕೊಂಡಿದ್ದಾರೆ. ಇದರಿಂದ ಬಾಲಕ ನಟಿಯ ಕಾರಿನೊಳಗೆ ಪುಸ್ತಕ ಬಿಸಾಕಿ ಕೈಯಲ್ಲಿದ್ದ ಹಣವನ್ನು ಕಸಿದು ಓಡಿದ್ದಾನೆ ಎಂದು ಹೇಳಿಕೊಂಡಿದ್ದಾರೆ. ಈ ಘಟನೆಯ ಬಗ್ಗೆ ನಟಿ ತಮ್ಮ ಇನ್ಸ್ಟಾಗ್ರಾಮ್‌ ನಲ್ಲಿ ಬರೆದುಕೊಂಡಿದ್ದಾರೆ. ʼಒರು ನಾಲ್ ಕೂತು’ ಸಿನಿಮಾದ ಮೂಲಕ ಕಾಲಿವುಡ್‌ಗೆ ಕಾಲಿಟ್ಟ ನಿವೇತಾ ʼಟಿಕ್‌ ಟಿಕ್‌ ಟಿಕ್‌ʼ ‘ಚಿತ್ರಲಹರಿ’, ‘ಪೊಡುವಗ ಎಮ್ಮನಸು ತಂಗಂ’, ‘ಬ್ರೋಚೆವರೆವರೂರ’ ಸೇರಿದಂತೆ ಹಲವು ತಮಿಳು – ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. Click