ನ್ಯೂಸ್ ನಾಟೌಟ್: ಆರೋಗ್ಯವೇ ಮಹಾಭಾಗ್ಯ ಎಂದು ಹೇಳುತ್ತೇವೆ. ಆರೋಗ್ಯ ಒಂದು ಸಲ ಕೈಕೊಟ್ಟರೆ ಮತ್ತೆ ಜೀವನೇ ಬೇಡ ಅನ್ನುವ ಸ್ಥಿತಿಗೆ ಮನುಷ್ಯ ತಲುಪಿಬಿಡುತ್ತಾನೆ. ಅದಕ್ಕೆ ದೇವರ ಹತ್ರ ಹೆಚ್ಚಿನ ಜನರು ಹಣ ಕೊಡದಿದ್ದರೂ ಪರವಾಗಿಲ್ಲ ಆರೋಗ್ಯ ಚೆನ್ನಾಗಿ ಕೊಡು ಅಂತ ಬೇಡಿಕೊಳ್ಳುತ್ತಾರೆ. ಇಲ್ಲೊಬ್ಬ ಯುವಕ, ಇನ್ನೂ 26 ವರ್ಷ, ಕಳೆದ ಕೆಲವು ಸಮಯಗಳಿಂದ ಹೃದಯ ಸಮಸ್ಯೆಗೆ ತುತ್ತಾಗಿದ್ದರು. ಆಸ್ಪತ್ರೆಯಲ್ಲಿ ಮದ್ದು ಮಾಡಿದ್ದರೂ ಏನೂ ಪ್ರಯೋಜನ ಆಗಲಿಲ್ಲ. ಇದರಿಂದ ನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಈಶ್ವರ ಮಂಗಲ ಸಮೀಪದ ಓಣಿಯಡ್ಕ ನಿವಾಸಿ ಅರುಣ್ ಎಂದು ಗುರುತಿಸಲಾಗಿದೆ. ಇವರು ಕೂಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದರು. ಸದ್ಯ ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ನಡೆಸುತ್ತಿದ್ದಾರೆ.
