ನ್ಯೂಸ್ ನಾಟೌಟ್: ಮುಸ್ಲಿಂ ಯುವಕನ ಜೊತೆ ಮನೆಬಿಟ್ಟು ಬಂದಿದ್ದ ಹಿಂದೂ ಯುವತಿಯೊಬ್ಬಳು ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಸೌತಡ್ಕದಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿರುವ ಘಟನೆ ನಡೆದಿದೆ.
ಕೊಪ್ಪಳ ಮೂಲಕ ಸಲೀಂ ಎಂಬಾತ ಬೆಂಗಳೂರು ಮೂಲಕ ಯುವತಿಯೊಂದಿಗೆ ಕೊಕ್ಕಡಕ್ಕೆ ಬಂದು ಅಲ್ಲಿಂದ ರಿಕ್ಷಾ ಹತ್ತಿ ಈ ಜೋಡಿ ಸೌತಡ್ಕಕ್ಕೆ ತೆರಳಿದೆ. ಸೌತಡ್ಕದಲ್ಲಿ ಫೋನ್ ಪೇ ನಲ್ಲಿ ಹಣ ಸ್ವೀಕರಿಸಿದ ಆಟೋ ಚಾಲಕನಿಗೆ ಹಣ ಸ್ವೀಕರಿಸಿದ ಹೆಸರು ಕಂಡು ಅನುಮಾನ ಬಂದಿದೆ. ಆತ ಅನುಮಾನದ ಮೇರೆಗೆ ಹಿಂದೂ ಸಂಘಟನೆಗಳಿಗೆ ಮಾಹಿತಿ ನೀಡಿದ್ದಾನೆ. ತಕ್ಷಣ ಅವರನ್ನು ವಿಚಾರಣೆಗೆ ಒಳಪಡಿಸಿದಾಗ ಸತ್ಯ ವಿಚಾರ ಗೊತ್ತಾಗಿದೆ. ಇಬ್ಬರನ್ನು ಧರ್ಮಸ್ಥಳ ಪೊಲೀಸರಿಗೆ ಒಪ್ಪಿಸಲಾಗಿದೆ. ಪೊಲೀಸರು ಇಬ್ಬರನ್ನು ವಿಚಾರಣೆ ನಡೆಸಿದ್ದಾರೆ. ಮನೆಯವರನ್ನು ಕರೆಸಿದ ನಂತರವೇ ಇಬ್ಬರನ್ನು ಬಿಟ್ಟು ಕಳುಹಿಸಬೇಕು ಎಂದು ಹಿಂದೂ ಸಂಘಟನೆಯವರು ಆಗ್ರಹಿಸಿದ್ದಾರೆ.
