ನ್ಯೂಸ್ ನಾಟೌಟ್: ಸುಳ್ಯದ ಖಾಸಗಿ ಮಾಧ್ಯಮವೊಂದರ ಪತ್ರಕರ್ತೆ ಪೂಜಾಶ್ರೀ ವಿತೇಶ್ ಕೋಡಿಯವರಿಗೆ ಮಂಗಳೂರಿನಲ್ಲಿ ಕಲಾರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಪತ್ರಿಕೋದ್ಯಮದಲ್ಲಿ ಕಳೆದ ಕೆಲವು ವರ್ಷಗಳಿಂದ ಇವರು ಮಾಡಿರುವ ಸಾಧನೆ ಹಿನ್ನೆಲೆಯಲ್ಲಿ ಈ ಗೌರವ ನೀಡಲಾಗಿದೆ. ಇವರು ಬೆಂಗಳೂರು, ಉಡುಪಿಯ ಕೆಲವು ಖಾಸಗಿ ವಾಹಿನಿಗಳಲ್ಲಿ ಪತ್ರಕರ್ತರಾಗಿ ಕೆಲಸ ಮಾಡಿದ್ದರು. ಸುಳ್ಯ ಪ್ರೆಸ್ ಕ್ಲಬ್‌ನ ನಿರ್ದೇಶಕಿಯಾಗಿರುವ ಪೂಜಾಶ್ರೀಯವರು ಜಾಲ್ಸೂರು ಗ್ರಾಮದ ಆರ್ತಾಜೆ ಉಮೇಶ್ ಹಾಗೂ ವೇದಾವತಿ ದಂಪತಿಯ ಪುತ್ರಿ. ಮರ್ಕಂಜ ಕೋಡಿಮನೆ ವಿತೇಶ್ ರವರ ಪತ್ನಿ. ಪುತ್ರ ನಿನಾದ್ ಮೂರ್ತಿ ಸುಳ್ಯದ ಅಂಜಲಿ ಮೊಂಟೇಸರಿ ಸ್ಕೂಲ್ ನ ವಿದ್ಯಾರ್ಥಿಯಾಗಿದ್ದಾರೆ.
