ನ್ಯೂಸ್‌ ನಾಟೌಟ್‌: ದೇಶಿಯ ವಿಮಾಯಾನದಲ್ಲಿ ಭಾನುವಾರ(ನ.17) ಅತಿ ಹೆಚ್ಚು ಜನರು ಪ್ರಯಾಣಿಸುವ ಮೂಲಕ ಸಾರ್ವಕಾಲಿಕ ದಾಖಲೆ ಸೃಷ್ಟಿಯಾಗಿದೆ.ಈ ಬಗ್ಗೆ ನಾಗರಿಕ ವಿಮಾನಯಾನ ಸಚಿವಾಲಯ ಮಾಹಿತಿ ಹಂಚಿಕೊಂಡಿದೆ. ನ.17 ರಂದು ಒಂದೇ ದಿನದಲ್ಲಿ ಮೊದಲ ಬಾರಿಗೆ 5 ಲಕ್ಷ ಜನರು ಪ್ರಯಾಣಿಸಿದ್ದು, ಹಬ್ಬ ಹಾಗೂ ಮದುವೆ ಕಾರಣದಿಂದ ಪ್ರಯಾಣಿಕರ ಸಂಖ್ಯೆಯಲ್ಲಿ ದಿಢೀರ್ ಏರಿಕೆಯಾಗಿದೆ ಎಂದು ವರದಿಗಳು ತಿಳಿಸಿವೆ. ಅಂಕಿಅಂಶಗಳ ಪ್ರಕಾರ, ಭಾನುವಾರ 5,05,412 ಜನರು ಪ್ರಯಾಣಿಸಿದ್ದು, ಒಟ್ಟು 3,173 ವಿಮಾನ ಹಾರಾಟಗೊಂಡಿವೆ ಎನ್ನಲಾಗಿದೆ.ಇದೇ ಮೊದಲ ಬಾರಿಗೆ ಒಂದೇ ದಿನದಲ್ಲಿ 5 ಲಕ್ಷ ಜನ ಪ್ರಯಾಣಿಸಿದ್ದು, ಭಾರತೀಯ ವಿಮಾನಯಾನ ಐತಿಹಾಸಿಕ ಮೈಲುಗಲ್ಲು ತಲುಪಿದೆ. ನ.8, 9, 14, 15, ಮತ್ತು 16 ರಂದು ಕ್ರಮವಾಗಿ 4.90, 4.96, 4.97, 4.99 ಮತ್ತು 4.98 ಲಕ್ಷ ಜನರು ಪ್ರಯಾಣಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. Click