ನ್ಯೂಸ್ ನಾಟೌಟ್: ಕಾಡಿನಲ್ಲಿ ಮುಂಜಾಗ್ರತೆ ಕ್ರಮವಾಗಿ ಇಲ್ಲೊಬ್ರು ಅರಣ್ಯ ರಕ್ಷಕ ಗಸ್ತು ತಿರುಗುತ್ತಿದ್ದ ವೇಳೆ ಹುಲಿ ಘರ್ಜನೆಯನ್ನು ಕೇಳಿ ತಕ್ಷಣ ಮರವೇರಿದ್ದಾರೆ. ಮರವೇರುತ್ತಿದ್ದಂತೆ ದೈತ್ಯ ಹುಲಿಯೊಂದು ಅಲ್ಲಿಗೆ ಬಂದಿದ್ದು, ಎದೆ ಝಲ್‌ ಎನಿಸುವ ಈ ದೃಶ್ಯ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಈ ಘಟನೆ ಮಧ್ಯಪ್ರದೇಶದ ನರ್ಮದಾಪುರಂನಲ್ಲಿರುವ ಸಾತ್ಪುರ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ನಡೆದಿದ್ದು, ಫಾರೆಸ್ಟ್‌ ಗಾರ್ಡ್‌ಗಳಿಬ್ಬರು ಗಸ್ತು ತಿರುಗುತ್ತಿರುವ ವೇಳೆ ಹುಲಿಯೊಂದು ಬಂದಿದೆ. ವ್ಯಾಘ್ರದ ಘರ್ಜನೆ ಕೇಳಿಸುತ್ತಿದ್ದಂತೆ ಸುರಕ್ಷತೆಯ ದೃಷ್ಟಿಯಿಂದ ಈ ಇಬ್ಬರೂ ಎತ್ತರದ ಮರವನ್ನು ಏರಿದ್ದಾರೆ.
ಫಾರೆಸ್ಟ್‌ ಸರ್ವಿಸ್‌ ಆಫೀಸರ್‌ ಸುಧಾ ರೆಮೆನ್‌ ಹಂಚಿಕೊಂಡಿರುವ ವಿಡಿಯೋದಲ್ಲಿ ಅರಣ್ಯ ರಕ್ಷಕ ಅನುಲಾಲ್‌ ಮರವೇರಿ ಕುಳಿತು ಸೆಲ್ಫಿ ವಿಡಿಯೋ ಮಾಡುತ್ತಿರುವ ದೃಶ್ಯವನ್ನು ಕಾಣಬಹುದು. ಅವರು ಮರವೇರಿ ಕುಳಿತ ಕೆಲವೇ ಹೊತ್ತಿನಲ್ಲಿ ಹುಲಿಯೊಂದು ಅಲ್ಲಿಗೆ ಎಂಟ್ರಿ ಕೊಟ್ಟಿದ್ದು, ಒಂದ್ಸಲ ಅತ್ತಿಂದಿತ್ತ ಕಣ್ಣಾಡಿಸಿ ಆ ಹುಲಿರಾಯ ಅಲ್ಲಿಂದ ಸೀದಾ ಹೊರಟು ಹೋಗಿದೆ. ನವೆಂಬರ್‌ 24 ರಂದು ಈ ವಿಡಿಯೋ ಹಂಚಿಕೊಳ್ಳಲಾಗಿದೆ.
Click
