ನ್ಯೂಸ್ ನಾಟೌಟ್ : ದೀಪಾವಳಿಯ ವೇಳೆ ಇಲ್ಲೊಬ್ಬ ನೋಟುಗಳಿಗೆ ಬೆಂಕಿ ಹಚ್ಚಿ ಸಂಭ್ರಮಿಸಿದ್ದಾನೆ. ಈ ಘಟನೆ ವಿಚಿತ್ರ ಎನಿಸಿದರೂ ನಿಜ. ಆತ ನೋಟುಗಳನ್ನು ಒಂದು ಕಡೆ ಜೋಡಿಸಿ ಅದಕ್ಕೆ ಬೆಂಕಿ ಹಚ್ಚಿ ದೀಪಾವಳಿಯ ಶುಭಾಶಯ ಕೋರಿದ್ದಾನೆ.
ಸಾಮಾಜಿಕ ಜಾಲತಾಣದಲ್ಲಿ ಲೈಕ್ಸ್, ಫಾಲೋವರ್ಸ್ ಪಡೆಯಲು ಹಾಗೂ ವೀವ್ಸ್‌ ಗಾಗಿ ಎಂತಹ ಚಿತ್ರ ವಿಚಿತ್ರ ವಿಡಿಯೋಗಳ ಹಂಚಿಕೊಳ್ಳುತ್ತಾರೆ ಎನ್ನುವುದಕ್ಕೆ ಇದು ಉದಾಹರಣೆ ಎಂಬಂತಿದೆ.
ಆತ ನೂರು ರೂಪಾಯಿ ಹಾಗೂ 500 ರೂಪಾಯಿ ನೋಟನ್ನು ಒಂದು ಕಡೆ ಇಟ್ಟು ಅದಕ್ಕೆ ಬೆಂಕಿ ಹಚ್ಚುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಇದರಲ್ಲಿ ಗರಿಗರಿಯಾಗಿರುವ 100 ರೂಪಾಯಿ ಹಾಗೂ 500 ರೂಪಾಯಿ ನೋಟು ಕಂಡಿವೆ. ಮೊದಲು ಈ ವಿಡಿಯೋದಲ್ಲಿ ದೀಪಾವಳಿಗೆ ಶುಭಕೋರುವ ಶೀರ್ಷಿಕೆ ಹಾಕಲಾಗಿತ್ತು, ವಿಡಿಯೋ ವೈರಲ್ ಆದ ಬಳಿಕ ಅದನ್ನು ತೆಗೆಯಲಾಗಿದೆ. ನಕಲಿ ನೋಟುಗಳು ಎಂದು ಹಲವರು ಗುರುತಿಸಿದ್ದು, ನೋಟುಗಳ ಮೇಲೆ ‘FULL OF FUN’ ಎಂದು ಬರೆಯಲಾಗಿದೆ.
Click
