ನ್ಯೂಸ್ ನಾಟೌಟ್: ಟ್ಯೂಷನ್ ಶಿಕ್ಷಕನೊಬ್ಬ 2 ನೇ ತರಗತಿ ಬಾಲಕಿಯ ಜಡೆ ಹಿಡಿದು ಎಳೆದೊಯ್ದು ಮನಬಂದಂತೆ ಥಳಿಸಿರುವ ಘಟನೆ ಉತ್ತರ ಪ್ರದೇಶದ ಕನೌಜ್‌ ನಲ್ಲಿ ಬೆಳಕಿಗೆ ಬಂದಿದೆ.
ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಶಿಕ್ಷಕ ಬಾಲಕಿಗೆ ಇತರ ವಿದ್ಯಾರ್ಥಿಗಳ ಮುಂದೆ ಕೂದಲು ಎಳೆದು ಥಳಿಸುತ್ತಿರುವುದು ಕಂಡಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಆರೋಪಿ ಶಿಕ್ಷಕನನ್ನು ಬಂಧಿಸಿ ಕಾನೂನು ಕ್ರಮ ಕೈಗೊಳ್ಳಲಾಗಿದೆ ಎಂದು ಮಾಹಿತಿ ಲಭಿಸಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಶಿಕ್ಷಕ ಪುಟ್ಟ ಬಾಲಕಿಯ ಜಡೆ ಹಿಡಿದು ಬೆನ್ನಿಗೆ ಸರಿಯಾಗಿ ಹೊಡೆಯುತ್ತಿರುವುದು ಕಾಣಬಹುದು. ಇದಲ್ಲದೇ ಬಾಲಕಿ ನೋವಿನಿಂದ ಅಳುತ್ತಾ ದೂರ ಹೋದರೂ ಬಿಡದೆ ಥಳಿಸಿದ್ದಾನೆ. ಪ್ರಾರಂಭದಲ್ಲಿ ಕೈಯಿಂದ ಬಾರಿಸುತ್ತಿದ್ದ ಶಿಕ್ಷಕ ಬಳಿಕ ಕೋಲಿನಿಂದ ಬಾಲಕಿಗೆ ಹೊಡೆಯಲು ಪ್ರಾರಂಭಿಸಿದ್ದಾರೆ. ಈ ಸಂಬಂಧ ಆತನನ್ನು ಬಂಧಿಸಿ, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.
Click
