ನ್ಯೂಸ್ ನಾಟೌಟ್: ಬಿಸ್ಕತ್ ಅಂದ್ರೆ ಪ್ರತಿಯೊಬ್ಬ ಮಕ್ಕಳಿಗೂ ಇಷ್ಟ. ಆದರೆ ಅದೇ ಬಿಸ್ಕೆಟ್ ನೊಳಗೆ ತೆಳುವಾದ ಕಬ್ಬಿಣದ ತಂತಿಯೊಂದು ಕಂಡು ಬಂದಿರುವ ಆಘಾತಕಾರಿ ಘಟನೆ ತೆಲಂಗಾಣದ ಕಾಮರೆಡ್ಡಿಯ ಹಳ್ಳಿಯಲ್ಲಿ ನಡೆದಿದೆ. ಬ್ರಿಟಾನಿಯ ಕಂಪೆನಿಯ ಬೌರ್ಬನ್ ಬಿಸ್ಕತ್ ನೊಳಗೆ ಇಂತಹ ಅಪಾಯಕಾರಿ ವಸ್ತು ಸಿಕ್ಕಿದೆ. ಇದರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಹನುಮಾನ್ ರೆಡ್ಡಿ ಅನ್ನುವವರು ಮಕ್ಕಳಿಗಾಗಿ ಬಿಸ್ಕತ್ ಅಂಗಡಿಯೊಂದರಿಂದ ತಂದಿದ್ದರು, ಪ್ಯಾಕೇಟ್ ಓಪನ್ ಮಾಡಿ ಬಿಸ್ಕತ್ ತಿನ್ನುತ್ತಿರುವ ಸಂದರ್ಭದಲ್ಲಿ ಕಬ್ಬಿಣದ ತಂತಿ ಬಿಸ್ಕತ್ ಒಳಗೆ ಸಿಕ್ಕಿದೆ. ಇದು ತಿಳಿದ ತಕ್ಷಣ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಮಾಡಿ ಅವರು ಹರಿಯಬಿಟ್ಟಿದ್ದಾರೆ. ಈ ವಿಡಿಯೋವನ್ನು ನೋಡಿದ ಅನೇಕರು ಜಾಲತಾಣದಲ್ಲಿ ಕಾಮೆಂಟ್ ಹಾಕಿ ತಮ್ಮ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
