ನ್ಯೂಸ್ ನಾಟೌಟ್: ಸುಳ್ಯದ ನೆಹರು ಮೆಮೋರಿಯಲ್ ಕಾಲೇಜಿನ ಎನ್.ಎಸ್.ಎಸ್ ಯೋಜನಾಧಿಕಾರಿ ಚಿತ್ರಲೇಖ ಕೆ ಎಸ್ ಅವರಿಗೆ “ಅತ್ಯುತ್ತಮ ರಾಷ್ಟೀಯ ಸೇವಾ ಯೋಜನ ಅಧಿಕಾರಿ ಪ್ರಶಸ್ತಿ” ಲಭಿಸಿದೆ. ಗೂನಡ್ಕದ ಸಜ್ಜನ ಪ್ರತಿಷ್ಠಾನದ ಉಮ್ಮರ್ ಬೀಜದ ಕಟ್ಟೆ ಅವರು ಕಾಲೇಜಿನ ವತಿಯಿಂದ ಸ್ಮರಣಿಕೆ ನೀಡಿ ಗೌರವಿಸಿದರು. ಮಂಗಳೂರಿನ ಯನಪೊಯಾ ವಿಶ್ವವಿದ್ಯಾನಿಲಯ ಆಯೋಜಿಸಿದ ರಾಜ್ಯ ಮಟ್ಟದ ಈ ಎನ್.ಎಸ್.ಎಸ್ ಸ್ವಯಂಸೇವಕರ ನಾಯಕತ್ವ ಕೌಶಲ್ಯ ತರಬೇತಿ ಕಾರ್ಯಗಾರದಲ್ಲಿ ಎನ್ ಎಂಸಿ ವಿದ್ಯಾರ್ಥಿಗಳಾದ ಹವ್ಯಶ್ರೀ ಕೆ ಎಸ್ (ದ್ವಿತೀಯ ಬಿ.ಕಾಂ) ಮತ್ತು ಕೌಶಿಕ್ (ದ್ವಿತೀಯ ಬಿಸಿಎ) ಪಾಲ್ಗೊಂಡಿದ್ದರು.
ಸಂಪನ್ಮೂಲ ವ್ಯಕ್ತಿಗಳಾಗಿದ್ದ ಡಾ. ಅರುಣ್ ಎ ಭಾಗ್ವತ್ ಮತ್ತು ವಿಕ್ರಮ್ ಸಕ್ಸೆನಾ ತರಬೇತಿ ನೀಡಿದರು. ವಿದ್ಯಾರ್ಥಿಗಳು ಹೇಗೆ ನಾಯಕತ್ವ ಗುಣವನ್ನು ಹೊಂದಬೇಕು, ಗುರಿ ಸಾಧಿಸಲು ನಾವು ಏನು ಮಾಡಬೇಕು ಎಂಬುದನ್ನು ವಿವರಿಸಿದರು. ಮಂಗಳೂರು ವಿಶ್ವವಿದ್ಯಾನಿಲಯದ ಎನ್.ಎಸ್.ಎಸ್ ಸಂಯೋಜನಾ ಅಧಿಕಾರಿ ಡಾ. ಶೇಷಪ್ಪ ಕೆ, ಯನಪೊಯಾದ ಎನ್.ಎಸ್.ಎಸ್ ಅಧಿಕಾರಿ ಅಬ್ದುಲ್ ರಶೀದ್ ಉಪಸ್ಥಿತರಿದ್ದರು.
