ನ್ಯೂಸ್ ನಾಟೌಟ್: ಇನ್ನು ಮುಂದೆ ಬಸ್ಸಿನಲ್ಲಿಯೂ ಬಸ್ ಸಖಿ ಭಾಗ್ಯವನ್ನು ಸರ್ಕಾರ ಕಲ್ಪಿಸಿದ್ದು, ಇನ್ನು ಮುಂದೆ ಗಗನ ಸಖಿಯಂತೆ ಇವರೂ ಪ್ರಯಾಣಿಕರ ಸೇವೆಯಲ್ಲಿ ತೊಡಗಲಿದ್ದಾರೆ. ಈ ಬಸ್ ಸಖಿಯರ ಹೆಸರು ಶಿವನೇರಿ ಸುಂದರಿ ಎಂದು ಇಡಲಾಗಿದೆ. ಅಂದಹಾಗೆ, ಇದು ನಮ್ಮ ಕರ್ನಾಟಕದಲ್ಲಿ ಅಲ್ಲ.
ಶಿವನೇರಿ ಸುಂದರಿಯರನ್ನು ನೋಡಬೇಕು ಎಂದರೆ ನೀವು ಮಹಾರಾಷ್ಟ್ರಕ್ಕೆ ಹೋಗಬೇಕು.
ಮಹಾರಾಷ್ಟ್ರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ (MSRTC) ಮುಂಬೈ ಮತ್ತು ಪುಣೆ ನಡುವೆ ಕಾರ್ಯನಿರ್ವಹಿಸುವ ಇ-ಶಿವನೇರಿ ಬಸ್‌ಗಳಲ್ಲಿ ಬಸ್ ಸಖಿಯರ ಸೇವೆಯನ್ನು ಆರಂಭಿಸುತ್ತಿದೆ. ಪ್ರಯಾಣಿಕರಿಗೆ ಉತ್ತಮ ಅನುಭವವನ್ನು ನೀಡಲು, ವಿಮಾನದಲ್ಲಿ ಹಾರಾಡುತ್ತಿರುವಂತೆಯೇ ಅನ್ನಿಸಬೇಕು ಎನ್ನುವ ಕಾರಣಕ್ಕೆ ಶಿವನೇರಿ ಸುಂದರಿ ಎಂಬ ಯೋಜನೆಯನ್ನು ಸಂಸ್ಥೆ ಪರಿಚಯಿಸುತ್ತಿದೆ. ಈ ಯೋಜನೆ ಅಡಿಯಲ್ಲಿ, ಪ್ರಯಾಣದ ಸಮಯದಲ್ಲಿ ಪ್ರಯಾಣಿಕರ ಅಗತ್ಯತೆಗಳನ್ನು ಪೂರೈಸಲು ಪ್ರತಿ ಬಸ್‌ನಲ್ಲಿ ತರಬೇತಿ ಪಡೆದ ಸಖಿಯರು ಇರುತ್ತಾರೆ.
ಈ ಕುರಿತು ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ಮಹಾರಾಷ್ಟ್ರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ, “ಮುಂಬೈ-ಪುಣೆ ಮಾರ್ಗದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಶಿವನೇರಿ ಬಸ್‌ಗಳು ಈಗ ‘ಶಿವನೇರಿ ಸುಂದರಿ’ ಯೋಜನೆಯ ಲಾಭ ಪಡೆಯಲಿದ್ದಾರೆ. ಈ ಮೂಲಕ ಪ್ರಯಾಣಿಕರಿಗೆ ಹೆಚ್ಚುವರಿ ಆತಿಥ್ಯ ಸೇವೆಗಳನ್ನು ಒದಗಿಸಲಾಗುತ್ತದೆ.
ಇದು ವಿಮಾನದೊಳಗಿನ ಸೇವೆಗಳ ಮಾದರಿಯೇ ಇರುತ್ತದೆ. ಪ್ರಯಾಣಿಕರು ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಉತ್ತಮ ಗುಣಮಟ್ಟದ ಸಹಾಯವನ್ನು ಈ ಸಖಿಯರಿಂದ ಪಡೆಯಬಹುದು. MSRTC ಸಹ ನವೀನತೆಯನ್ನು ಪರಿಚಯಿಸಲು ಈ ಹೊಸ ಯೋಜನೆ ರೂಪಿಸಿದೆ. ಸೇವಾ ಗುಣಮಟ್ಟವನ್ನು ಮತ್ತಷ್ಟು ಸುಧಾರಿಸಲು ಭವಿಷ್ಯದಲ್ಲಿ ಮತ್ತಷ್ಟು ಇಂಥ ಯೋಜನೆ ರೂಪಿಸಲಾಗುವುದು ಎಂದಿದೆ.
Click
