ನ್ಯೂಸ್ ನಾಟೌಟ್: ಪ್ರವಾಸಿ ಬಾಂಗ್ಲಾದೇಶ ತಂಡದ ವಿರುದ್ಧ ಚೆನ್ನೈನ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡದ ರಿಷಭ್ ಪಂತ್ ಬ್ಯಾಟಿಂಗ್ ನಡೆಸುತ್ತಿರುವಾಗ ಬಾಂಗ್ಲಾದೇಶ ತಂಡದ ಫೀಲ್ಡಿಂಗ್ ಸೆಟ್ ಮಾಡಿದ ಅಪರೂಪದ ಪ್ರಸಂಗವೊಂದು ನಡೆದಿದೆ.
ಇತ್ತ ರಿಷಭ್ ಹಾಗೂ ಶುಭ್ಮನ್ ಅವರ ಅಮೋಘ ಜೊತೆಯಾಟದಿಂದಾಗಿ ಬಾಂಗ್ಲಾದೇಶ್ ತಂಡದ ಬೌಲರ್ಗಳು ಹೈರಾಣರಾಗಿದ್ದರು. ಅದರಲ್ಲೂ ನಾಯಕ ನಜ್ಮುಲ್ ಹೊಸೈನ್ ಶಾಂತೊ ಹಲವು ಬಾರಿ ಫೀಲ್ಡಿಂಗ್ ಬದಲಿಸಿದರೂ ಪ್ರಯೋಜನವಾಗಿರಲಿಲ್ಲ. ಇದರ ನಡುವೆ ಫೀಲ್ಡಿಂಗ್ ಬದಲಾವಣೆಯೇ ಬಾಂಗ್ಲಾ ತಂಡದ ನಾಯಕನಿಗೆ ಹೊಸ ಸವಾಲಾಗಿ ಪರಿಣಮಿಸಿತು.
ಇದನ್ನ ಅರಿತ ರಿಷಭ್ ಪಂತ್ ಬಾಂಗ್ಲಾದೇಶ್ ತಂಡದ ನಾಯಕನ ಫೀಲ್ಡಿಂಗ್ ಸೆಟ್ಟಿಂಗ್ನಲ್ಲಿನ ನ್ಯೂನತೆಗಳನ್ನು ತೋರಿಸಿದರು. ಅಲ್ಲದೆ ಇಲ್ಲಿ ಒಬ್ಬ ಫೀಲ್ಡರ್ ಬೇಕೆಂದು ರಿಷಭ್ ಪಂತ್ ಮಿಡ್-ವಿಕೆಟ್ ಕಡೆಗೆ ತೋರಿಸುತ್ತಾ ಸನ್ನೆ ಮಾಡಿದರು.
ಇದನ್ನು ಗಮನಿಸಿದ ಬಾಂಗ್ಲಾದೇಶ್ ತಂಡದ ನಾಯಕ ನಜ್ಮುಲ್ ಹೊಸೈನ್ ಶಾಂತೊ, ಪಂತ್ ಸಲಹೆಯಂತೆ ಅಲ್ಲೊಬ್ಬರು ಫೀಲ್ಡರ್ನ ನಿಲ್ಲಿಸಿದರು. ಇದೀಗ ತನ್ನ ಬ್ಯಾಟಿಂಗ್ ವೇಳೆ ಬಾಂಗ್ಲಾದೇಶ್ ತಂಡದ ಫೀಲ್ಡಿಂಗ್ ಸೆಟ್ ಮಾಡಿರುವ ರಿಷಭ್ ಪಂತ್ ಅವರ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಲ್ಲದೆ ಈ ವಿಡಿಯೋಗೆ ಕ್ರೀಡಾಪ್ರೇಮಿಗಳಿಂದ ಭಾರೀ ಮೆಚ್ಚುಗೆಗಳು ವ್ಯಕ್ತವಾಗುತ್ತಿದೆ.
