ನ್ಯೂಸ್ ನಾಟೌಟ್: ಇತ್ತೀಚಿನ ದಿನಗಳಲ್ಲಿ ಸುಳ್ಯ ಪರಿಸರದಲ್ಲಿ ಕಳ್ಳತನ ಪ್ರಕರಣಗಳು ಹೆಚ್ಚುತ್ತಿದೆ. ಒಂದೆರಡು ತಿಂಗಳ ಹಿಂದೆ ನಿತ್ಯ ಕಳ್ಳರು ರಸ್ತೆ ಬದಿಯ ಅಂಗಡಿಗಳಿಗೆ ನುಗ್ಗಿ ಸಿಕ್ಕಿಸಿಕ್ಕಿದ್ದನ್ನೆಲ್ಲ ಬಾಚುತ್ತಿದ್ದರು. ಇದು ನಿಯಂತ್ರಣಕ್ಕೆ ಬಂತು ಅಂದುಕೊಳ್ಳುವಷ್ಟರಲ್ಲಿ ಇದೀಗ ಮತ್ತೆ ಅಂಥಹುದೇ ಪ್ರಕರಣಗಳ ಬಗ್ಗೆ ವರದಿಯಾಗುತ್ತಿದೆ.
ಇದೀಗ ಮನೆಯ ಹಿಂದೆ ಇಟ್ಟಿದ್ದ ಸಿಲಿಂಡರ್ ಅನ್ನೇ ಕಳ್ಳರು ಕದ್ದು ಎಸ್ಕೇಪ್ ಆಗಿರುವ ಘಟನೆ ವರದಿಯಾಗಿದೆ. ಇದು ಕ್ರಮವಾಗಿ ಸುಳ್ಯದ ಗುರುಂಪು ಮತ್ತು ಗಾಂಧಿನಗರದಿಂದ ವರದಿಯಾಗಿದೆ.
ಗುರುಂಪು ನಿವಾಸಿ ಬಶೀರ್ ಪಿಟ್ಟರ್ ಹಾಗೂ ಗಾಂಧಿ ನಗರ ನಿವಾಸಿ ಮಹಮ್ಮದ್ ಪಿ.ಜೆ ಇವರ ಆಗಸ್ಟ್ 17ರಂದು ತಡರಾತ್ರಿ ಮನೆಯಿಂದ ಕಳ್ಳರು ಸಿಲಿಂಡರ್ ಹೊತ್ತೊಯ್ದಿದ್ದಾರೆ. ಬಶೀರ್ ಮನೆಯಿಂದ ಎರಡು ಹಾಗೂ ಮಹಮ್ಮದ್ ಮನೆಯಿಂದ ಒಂದು ಎಂದು ತಿಳಿದು ಬಂದಿದೆ. ಇದೀಗ ಪೊಲೀಸ್ ದೂರು ದಾಖಲಾಗಿದೆ ಎನ್ನಲಾಗಿದೆ.
