ನ್ಯೂಸ್ ನಾಟೌಟ್‌: ಮಳೆಗಾಲದಲ್ಲಿ ಬಿಸಿಯಾದ ಮಸಾಲೆಯುಕ್ತ ರುಚಿಕರವಾದ ಆಹಾರ ತಿನ್ನಲು ನಮ್ಮ ನಾಲಗೆ ಚಡಪಡಿಸುತ್ತದೆ. ಈ ತಿಂಡಿಗಳನ್ನು ತಯಾರಿಸುವಲ್ಲಿ ಸ್ವಚ್ಛತೆ ಕಾಪಾಡುವುದು ಅಗತ್ಯ. ನಮ್ಮ ದೇಹಕ್ಕೆ ಹಿತವಾದ, ಪೋಷಕಾಂಶಯುಕ್ತ ಆಹಾರ ಸೇವನೆಯಿಂದ ಆರೋಗ್ಯವನ್ನು ಕಾಪಾಡಬಹುದು. ಮಳೆಗಾಲದಲ್ಲಿ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿವಹಿಸಬೇಕಾಗಿದೆ. ಹೆಚ್ಚಾಗಿ ಈ ಸಂದರ್ಭ ಶೀತ, ಕೆಮ್ಮು, ಮಲೇರಿಯಾ, ಡೆಂಗ್ಯೂ, ಟೈಫಾಯಿಡ್, ನ್ಯುಮೋನಿಯಾ ಮತ್ತು ಹೊಟ್ಟೆಯ ಸೋಂಕು ಮೊದಲಾದ ರೋಗಗಳು ಹರಡುವ ಸಾಧ್ಯತೆಯಿದೆ. ಆದ್ದರಿಂದ ನಾವು ಸೇವಿಸುವ ಆಹಾರ ತಾಜಾತಣದಿಂದ ಕೂಡಿರಬೇಕು. ಮಳೆಗಾಲದಲ್ಲಿ ಯಾವ ರೀತಿಯ ಆಹಾರಗಳನ್ನು ಸೇವಿಸಬೇಕು. ಅವುಗಳಿಂದಾಗುವ ಪ್ರಯೋಜನಗಳೇನು ಎಂಬುವುದನ್ನು ಸುಳ್ಯದ ಕೆವಿಜಿ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆಯ ಆಹಾರ ತಜ್ಞೆ (Dietician) ದೀಪ್ತಿ ಎಂ.ವೈ. ಸಮಗ್ರವಾಗಿ ವಿವರಿಸಿದ್ದಾರೆ.
ಶುಂಠಿ ಚಹಾ ಸೇವನೆಯಿಂದ ಮೈಗ್ರೇನ್, ಸ್ನಾಯು ನೋವು ಮತ್ತು ದೇಹದ ನೋವಿನಿಂದ ತ್ವರಿತ ಪರಿಹಾರವನ್ನು ಒದಗಿಸುತ್ತದೆ. ಜೊತೆಗೆ ಆರ್ದ್ರ ಋತುವಿನಲ್ಲಿ ನೋಯುತ್ತಿರುವ ಗಂಟಲನ್ನು ಶಮನಗೊಳಿಸಲು ಬಹಳ ಉಪಯುಕ್ತವಾಗಿದೆ. ಇದು ಪ್ರತಿರಕ್ಷಣಾ ವ್ಯವಸ್ಥೆಯ ಕಾರ್ಯಗಳನ್ನು ಚುರುಕುಗೊಳಿಸುತ್ತದೆ ಮತ್ತು ಜೀರ್ಣಕ್ರಿಯೆಯಲ್ಲಿ ಸಹಾಯ ಮಾಡುತ್ತದೆ. ಮಾನ್ಸೂನ್ ಸಮಯದಲ್ಲಿ ಕೆಮ್ಮು ಮತ್ತು ಕಟ್ಟಿದ ಮೂಗು ಸಹ ಸಾಮಾನ್ಯ ಸಮಸ್ಯೆಗಳು. ಶುಂಠಿ ಶ್ವಾಸಕೋಶದ ಸಮಸ್ಯೆಗಳನ್ನು ಶಮನಗೊಳಿಸುತ್ತದೆ. ಶುಂಠಿಯಲ್ಲಿರುವ ಒಲಿಯೊರೆಸಿನ್‌ಗಳು ಹೆಚ್ಚುವರಿ ಲೋಳೆಯ ರಚನೆಯನ್ನು ತಡೆಯುತ್ತದೆ. ಇದು ಕೆಮ್ಮು ಹಾಗೂ ಇತರೆ ಸಮಸ್ಯೆಗಳಿಂದ ಮತ್ತು ಉಸಿರಾಟದ ಸಮಸ್ಯೆಗೆ ಕಾರಣವಾದ ಲೋಳೆಯನ್ನು ಸಹ ಒಡೆದು ಶಮನಗೊಳಿಸುತ್ತದೆ.
ಕಧಾ, ಪ್ರಾಚೀನ ಕಾಲದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪಾನೀಯ ಹಾಗೂ ಭಾರತದ ಔಷಧೀಯ ರಹಸ್ಯಗಳಲ್ಲಿ ಒಂದಾಗಿದೆ. ಇದು ಹಲವಾರು ನೈಸರ್ಗಿಕ ಗಿಡಮೂಲಿಕೆಗಳು ಮತ್ತು ಮಸಾಲೆಗಳ ಮಿಶ್ರಣವಾಗಿದೆ. ಇದು ನಮ್ಮನ್ನು ಆರೋಗ್ಯವಾಗಿರಿಸುವಲ್ಲಿ ಬಹಳ ಸಹಕಾರಿ. ಇದನ್ನು ತಯಾರಿಸುವುದು ಬಹಳ ಸುಲಭ ಸಾಮಾನ್ಯವಾಗಿ ಲಭ್ಯವಿರುವ ಗಿಡಮೂಲಿಕೆಗಳು ಮತ್ತು ತುಳಸಿ, ಶುಂಠಿ, ಅರಿಶಿನ, ಕಲ್ಲು ಉಪ್ಪು, 10 ಲವಂಗ, 3-4 ದಾಲ್ಚಿನ್ನಿ ಮುಂತಾದ ಮಸಾಲೆಗಳನ್ನು ಬಳಸಿ ಇದನ್ನು ತಯಾರಿಸಲಾಗುತ್ತದೆ.
ಆಳವಾದ ತಳವುಳ್ಳ ಪಾತ್ರೆಯೊಂದನ್ನು ತೆಗೆದುಕೊಳ್ಳಿ. ನೀರು ಹಾಕಿ ಮೇಲೆ ತಿಳಿಸಿದ ಎಲ್ಲಾ ಸಾಮಗ್ರಿಗಳನ್ನು ಹಾಕಿ 1 ಗಂಟೆಗಳ ಕಾಲ ನಿಧಾನ ಉರಿಯಲ್ಲಿ ಕಾಯಿಸಿ. ನಂತರ ಸ್ಟೌವ್ ಆಫ್ ಮಾಡಿ ಬಿಸಿ ಆರಲು ಬಿಡಿ. ನಂತರ ಈ ಚಹಾವನ್ನು ಸವಿಯಿರಿ. ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ತುಳಸಿಯ ಉರಿಯೂತ ನಿವಾರಕ (anti-inflammatory) ಮತ್ತು ಉತ್ಕರ್ಷಣ ನಿರೋಧಕ(antioxidant) ಗುಣಗಳು ಜ್ವರ, ನೆಗಡಿ, ಕೆಮ್ಮು, ತಲೆನೋವು ಮತ್ತು ಗಂಟಲು ನೋವನ್ನು ಕಡಿಮೆ ಮಾಡುತ್ತದೆ. ಜೊತೆಗೆ ವಿಟಮಿನ್ ಎ, ಸಿ ಮತ್ತು ಕೆ ಯುಕ್ತ ಲವಂಗ ಮತ್ತು ದಾಲ್ಚಿನ್ನಿ ಯೊಂದಿಗೆ ಕರಿಮೆಣಸು ಕೂಡ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಹಾಗಲಕಾಯಿ (ಕರೇಲ), ಸೋರೆಕಾಯಿ (ಲೌಕಿ), ಮೊನಚಾದ ಸೋರೆಕಾಯಿ, ಕುಂಬಳಕಾಯಿ, ತೊಂಡೆಕಾಯಿ, ಹೀರೆಕಾಯಿ, ಪಾಲಕ್, ಬೆಂಡೆಕಾಯಿ, ಎಲೆಕೋಸು, ಬಟನ್ ಮಶ್ರೂಮ್, ಸುವರ್ಣಗೆಡ್ಡೆ, ಮೂಲಂಗಿ ಮೊದಲಾದ ತರಕಾರಿಗಳಲ್ಲಿ ಹೇರಳವಾದ ಪೋಷಕಾಂಶಗಳಿರುತ್ತದೆ. ಅಲ್ಲದೇ ಇವುಗಳು ಉತ್ಕರ್ಷಣ ನಿರೋಧಕಗಳು(antioxidants), ಖನಿಜಗಳು, ಜೀವಸತ್ವಗಳು ಮತ್ತು ನಾರು (ಫೈಬರ್) ತುಂಬಿರುತ್ತವೆ. ಇವುಗಳನ್ನು ಖಾದ್ಯಗಳನ್ನು ಬಳಸುವುದು ಉತ್ತಮ ಆಹಾರ ಪದ್ಧತಿಯ ಒಂದು ಭಾಗವಾಗಿರುತ್ತದೆ. ಇದು ನಮ್ಮ ಒಟ್ಟಾರೆ ರೋಗನಿರೋಧಕ ಶಕ್ತಿ ಮತ್ತು ಆರೋಗ್ಯವನ್ನು ಹೆಚ್ಚಿಸುತ್ತದೆ. ಮಳೆಗಾಲದಲ್ಲಿ ಜನರು ಹೆಚ್ಚಾಗಿ ನೀರಿನಿಂದ ಹರಡುವ ರೋಗಗಳು ಮತ್ತು ಋತುಮಾನದ ಕಾಯಿಲೆಗಳಿಗೆ ತುತ್ತಾಗುತ್ತಾರೆ. ಹಾಗಾಗಿ, ಸೋರೆಕಾಯಿ (ಬಾಟಲ್ ಗಾರ್ಡ್), ಹಾಗಲಕಾಯಿ ಮತ್ತು ಇತರ ತರಕಾರಿಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ. ನಾವು ಈ ತರಕಾರಿಗಳನ್ನು ಯಥೇಚ್ಛವಾಗಿ ಸೇವಿಸುವುದರಿಂದ ಅನಾರೋಗ್ಯಕ್ಕೆ ತುತ್ತಾಗುವುದನ್ನು ತಡೆಯಬಹುದು.
ರಸ್ತೆಬದಿಯ ಚಾಟ್‌ಗಳನ್ನು ತಿನ್ನುವ ಬದಲು ಮನೆಯಲ್ಲೇ ಪೋಷಕಾಂಶಗಳಿಂದ ತುಂಬಿದ ಬಿಸಿ ಬಿಸಿ ಸೂಪ್ ತಯಾರಿಸಿ ಸೇವಿಸುವುದು ಉತ್ತಮ. ಸೂಪ್ ಜೀರ್ಣಿಸಿಕೊಳ್ಳಲು ಬಲು ಸುಲಭ ಹಾಗೂ ಇದು ನಿಮ್ಮ ಹೊಟ್ಟೆಯನ್ನು ಸಹ ಸಂತೋಷವಾಗಿರಿಸುತ್ತದೆ. ಕರಿಮೆಣಸು, ಬೆಳ್ಳುಳ್ಳಿ ಮತ್ತು ಶುಂಠಿಯಿಂದ ಅಲಂಕರಿಸಲ್ಪಟ್ಟ ಚಿಕನ್ ಸೂಪ್ ತರಕಾರಿ ಕಾರ್ನ್ ಸೂಪ್ ಬಹಳ ರುಚಿಕರ ಹಾಗೂ ಆರೋಗ್ಯಕರವೂ ಹೌದು.
ಈ ಮಾನ್ಸೂನ್‌ನಲ್ಲಿ ಹೆಚ್ಚು ಸೂಪ್ ಅನ್ನು ಸೇವಿಸುವುದರಿಂದ ದೇಹದ ಉರಿಯೂತದ ವಿರುದ್ಧ ಹೋರಾಡಲು ಮತ್ತು ಅನಗತ್ಯ ಶೀತ(ಸಿಂಬಳ) ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜೊತೆಗೆ ವಿಟಮಿನ್‌ಗಳು ಮತ್ತು ಖನಿಜಗಳಿಂದ ಕೂಡಿದ ಸೂಪ್ ಗಳು ಜೀರ್ಣಕ್ರಿಯೆಯನ್ನು ಹೆಚ್ಚಿಸುತ್ತದೆ. ಹಲವಾರು ವಿಧದ ಸೂಪ್‌ಗಳನ್ನು ತಯಾರಿಸಬಹುದು ಟೊಮೆಟೊ, ಚಿಕನ್, ದಾಲ್ ಸೂಪ್, ರಸಂ, ನುಗ್ಗೆಸೊಪ್ಪಿನ ಸೂಪ್ ಇಂತಹ ಆರೋಗ್ಕರವಾದ ಸೂಪ್ ತಯಾರಿಸಿ ಸೇವಿಸುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳು ವಿಟಮಿನ್‌ಗಳು ಹೇರಳವಾಗಿ ದೊರೆಯುವುದರೊಂದಿಗೆ ನಿಮ್ಮ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ.
ಈ ಋತುಮಾನದಲ್ಲಿ ಲಭ್ಯವಿರುವ ಹಣ್ಣುಗಳಲ್ಲಿ ವಿಟಮಿನ್ ಗಳು ಮತ್ತು ಖನಿಜಗಳು ಸಮೃದ್ಧವಾಗಿರುತ್ತದೆ. ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಪ್ರಮುಖವಾಗಿ ಸೇಬು, ದಾಳಿಂಬೆ, ಪ್ಲಮ್ ಮತ್ತು ಲಿಚಿಯನ್ನು ಹೆಚ್ಚಾಗಿ ಸೇವಿಸಬೇಕು. ಇವುಗಳು ದೇಹವನ್ನು ಶೀತ, ಜ್ವರ ಮುಂತಾದ ವಿವಿಧ ಸೋಂಕಿನಿಂದ ರಕ್ಷಿಸಲು ಸಹಾಯ ಮಾಡುತ್ತದೆ. ದಾಳಿಂಬೆ ಉರಿಯೂತದ ಮತ್ತು ಉತ್ಕರ್ಷಣ ನಿರೋಧಕಗಳ ಅತ್ಯುತ್ತಮ ಮೂಲಗಳಲ್ಲಿ ಒಂದಾಗಿದೆ.
ಯಾವುದೇ ಋತುವಿನಲ್ಲಾದರೂ ನಮ್ಮ ದಿನನಿತ್ಯದ ಸೇವನೆಯಲ್ಲಿ ಖರ್ಜೂರ, ಬಾದಾಮಿ ಮತ್ತು ವಾಲ್‌ನಟ್‌ಗಳನ್ನು ತಿನ್ನುವುದು ಒಳ್ಳೆಯದು. ಡ್ರೈ ಫ್ರೂಟ್ಸ್ ಅತ್ಯುತ್ತಮ ಆಹಾರವಾಗಿದೆ. ಏಕೆಂದರೆ ಅವುಗಳು ಹೆಚ್ಚಿನ ಜೀವಸತ್ವಗಳು ಮತ್ತು ಖನಿಜಗಳನ್ನು ಹೊಂದಿರುತ್ತವೆ. ರೈಬೋಫ್ಲಾವಿನ್, ವಿಟಮಿನ್ ಇ ಮತ್ತು ನಿಯಾಸಿನ್ ಹೇರಳವಾಗಿರುವ ಈ ಆಹಾರಗಳು ನಿಮ್ಮ ಪ್ರತಿರಕ್ಷಣಾ ವ್ಯವಸ್ಥೆಯ ಹೆಚ್ಚಿಸಿ ಉತ್ತಮ ಆರೋಗ್ಯವನ್ನು ಬೆಂಬಲಿಸುತ್ತದೆ.
ಜೋಳದಲ್ಲಿ ಅಧಿಕ ನಾರಿನಂಶವಿರುವುದರಿಂದ ಜೀರ್ಣಕ್ರಿಯೆಗೆ ಸಹಕಾರಿಯಾಗಿದೆ. ಅಲ್ಲದೇ ಫೈಬರ್ ಮತ್ತು ಅಗತ್ಯ ಪೋಷಕಾಂಶಗಳು ಹೇರಳವಾಗಿದೆ. ಇದು ಮಲಬದ್ಧತೆ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ. ಇದದಲ್ಲಿ ಅಧಿಕ ಮ್ಯಾಗ್ನಿಷಿಯಂ, ಕಬ್ಬಿಣ, ಸತು, ರಂಜಕ ಇರುವುದರಿಂದ ಮೂಳೆಗೆ ಒಳ್ಳೆಯದು. ಇದು ಮೂಳೆಯನ್ನು ಬಲಪಡಿಸುವುದು “ಇದು ಪ್ರಾಥಮಿಕವಾಗಿ ಕರಗದ ಫೈಬರ್ ಅನ್ನು ಹೊಂದಿರುತ್ತದೆ. ಆದ್ದರಿಂದ ಇದು ನಿಧಾನವಾಗಿ ಜೀರ್ಣವಾಗುತ್ತದೆ. ಹೀಗಾಗಿ, ಜೋಳದ ಒಂದು ದೊಡ್ಡ ಆರೋಗ್ಯ ಪ್ರಯೋಜನವೆಂದರೆ ಅದು ರಕ್ತದಲ್ಲಿನ ಸಕ್ಕರೆಯಲ್ಲಿ ಅನಾರೋಗ್ಯಕರ ಸ್ಟ್ರೈಕ್ ಅನ್ನು ಉಂಟುಮಾಡುವುದಿಲ್ಲ ಮತ್ತು ಇದು ಜೀವಸತ್ವಗಳು ಮತ್ತು ಪೊಟಾಸಿಯಮ್‌ನಂತಹ ವಿವಿಧ ಪೋಷಕಾಂಶಗಳನ್ನು ಒಳಗೊಂಡಿದೆ. ಇದರಲ್ಲಿ ವಿಟಮಿನ್ ಬಿ ಸಮೃದ್ಧವಾಗಿದೆ ಮತ್ತು ಕೂದಲು ಮತ್ತು ಮೂಳೆಯ ಆರೋಗ್ಯವನ್ನು ಉತ್ತೇಜಿಸುವ ಜೊತೆಗೆ ದೇಹದ ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಜೋಳವು antioxidantsನ ಅತ್ಯುತ್ತಮ ಮೂಲವಾಗಿದೆ. ಇದು ಉರಿಯೂತದ ವಿರುದ್ಧ ಹೋರಾಡುತ್ತದೆ ಮತ್ತು ಆಕ್ಸಿಡೇಟಿವ್ ಒತ್ತಡದಿಂದ ರಕ್ಷಿಸುತ್ತದೆ.
ಮಳೆಗಾಲದಲ್ಲಿ ಅಧಿಕ ಉಪ್ಪು ಭರಿತ ಆಹಾರವನ್ನು ಸೇವಿಸಬಾರದು. ಇದು ಅಧಿಕ ರಕ್ತದ ಒತ್ತಡಕ್ಕೆ ಕಾರಣವಾಗಬಹುದು. ಹೆಚ್ಚು ನೀರಿನಂಶವುಳ್ಳ ಆಹಾರ ಪದಾರ್ಥಗಳಾದ ಲಸ್ಸಿ, ಕಲ್ಲಂಗಡಿ, ಸೀಬೆಹಣ್ಣು ಮುಂತಾದವುಗಳನ್ನು ತಿನ್ನುವುದರಿಂದ ದೇಹದಲ್ಲಿ ಊತವನ್ನು ಉಂಟುಮಾಡುತ್ತದೆ. ಆದ್ದರಿಂದ ಕಾರ್ನ್, ಹುರುಳಿ ಹಿಟ್ಟು, ಕಡಲೆ ಹಿಟ್ಟುನಿಂದ ತಯಾರಿದ ಆಹಾರವನ್ನು ಹೆಚ್ಚಾಗಿ ಉಪಯೋಗಿಸಿ. ಹುಳಿ ಭರಿತ ಆಹಾರಗಳಾದ ಹುಣಸೆ ಟೊಮ್ಯಾಟೊ ಮತ್ತು ನಿಂಬೆಹುಳಿಯಂತಹಹ ಆಹಾರವನ್ನು ತಪ್ಪಿಸಿ ಯಾಕೆಂದರೆ ಅದು ನೀರನ್ನು ಹಿಡಿದಿಟ್ಟುಕೊಳ್ಳುವುದನ್ನು ಉತ್ತೇಜಿಸುತ್ತದೆ.
ಹೂಕೋಸು, ಆಲೂಗೆಡ್ಡೆ, ಬೀನ್ಸ್‌ನಂತಹ ತರಕಾರಿಗಳು, ಬೆಂಡೆಕಾಯಿ ಮತ್ತು ಮೊಳಕೆಯೊಡೆದ ಧಾನ್ಯಗಳ ಹೆಚ್ಚಿನ ಸೇವನೆಯನ್ನು ತಪ್ಪಿಸಬೇಕು. (ಕಚ್ಚಾ ಮೊಳಕೆಯೊಡೆದ ಧಾನ್ಯಗಳು, ಬೆಚ್ಚಗಿನ ಮತ್ತು ತೇವದ ವಾತಾವರಣವು ಸಾಲ್ಮೊನೆಲ್ಲಾ ಮತ್ತು ಇ.ಕೋಲಿಯಂತಹ ಬ್ಯಾಕ್ಟೀರಿಯಾಗಳಿಗೆ ಸೂಕ್ತವಾದ ಸಂತಾನೋತ್ಪತ್ತಿ ಸ್ಥಳವಾಗಿದೆ. ಇದು ಮೊಳಕೆಯನ್ನು ಸುಲಭವಾಗಿ ಕಲುಷಿತವಾಗುತ್ತದೆ). ರಸ್ತೆಬದಿಯ ಆಹಾರ ಪದಾರ್ಥಗಳು, ಕರಿದ ಪದಾರ್ಥಗಳು, ಮೊದಲೇ ಕತ್ತರಿಸಿದ ಹಣ್ಣುಗಳು ಮತ್ತು ಜ್ಯೂಸ್‌ ಕುಡಿಯುವುದನ್ನು ತಪ್ಪಿಸಿ ಮತ್ತು ಗುಣಮಟ್ಟದ ಮತ್ತು ನೈರ್ಮಲ್ಯವನ್ನು ಅನುಸರಿಸಿ.ಈ ಮಾರ್ಗಸೂಚಿಗಳನ್ನು ಅನುಸರಿಸುವುದರಿಂದ ಮಳೆಗಾಲದಲ್ಲಿ ಸುರಕ್ಷಿತವಾಗಿ ಮತ್ತು ಆರೋಗ್ಯಕರವಾಗಿರಲು ನಿಮಗೆ ಸಹಾಯ ಮಾಡುತ್ತದೆ.
ಯಾವಾಗಲೂ ಪೌಷ್ಟಿಕಾಂಶವುಳ್ಳ ಆಹಾರವನ್ನು ಸೇವಿಸಬೇಕು. ಸರಿಯಾದ ಆಹಾರ ಕ್ರಮವನ್ನು ಪಾಲಿಸುವುದು ಮಾತ್ರ ಮುಖ್ಯವಲ್ಲ, ನಮ್ಮ ಸುತ್ತಲಿನ ಸ್ವಚ್ಛತೆಯೂ ಮುಖ್ಯ. ಊಟಕ್ಕೆ ಮೊದಲು ಮತ್ತು ನಂತರ ಕೈಗಳನ್ನು ಸ್ವಚ್ಛವಾಗಿ ತೊಳೆಯಬೇಕು. ಅಡುಗೆ ಮಾಡುವ ಮೊದಲು ತರಕಾರಿಗಳನ್ನು ಚೆನ್ನಾಗಿ ತೊಳೆದುಕೊಳ್ಳಿ ಮತ್ತು ಯಾವಾಗಲು ಹೈಡ್ರೇಟ್ ಆಗಿರಿ ಜೊತೆಗೆ ಸುರಕ್ಷಿತ ಕುಡಿಯುವ ನೀರನ್ನು ಮಾತ್ರ ಬಳಸಿ ಮಳೆಗಾಲದಲ್ಲಿ ಆರೋಗ್ಯವಾಗಿರಿ.
| ದೀಪ್ತಿ ಎಂ.ವೈ. (M.sc in food Science and technology) ಆಹಾರ ತಜ್ಞೆ (Dietician) ಕೆವಿಜಿ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆ, ಸುಳ್ಯ
