ನ್ಯೂಸ್ ನಾಟೌಟ್: ಸುಳ್ಯ ತಾಲೂಕು ಆಟೋರಿಕ್ಷಾ ಚಾಲಕ ಸಂಘ(ರಿ ) ಕುಕ್ಕುಜಡ್ಕ (ಬಿಎಂಎಸ್) ಇದರ ವಾರ್ಷಿಕ ಮಹಾಸಭೆ (ಜು.17) ಬುಧವಾರ ನಡೆಯಿತು. ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸತೀಶ್ ಪಿಲಿಕಜೆ ವಹಿಸಿದ್ದರು.
ಕಾರ್ಯಕ್ರಮದಲ್ಲಿ ಸುಳ್ಯ ತಾಲೂಕು ಆಟೋ ಚಾಲಕ ಸಂಘದ ಅಧ್ಯಕ್ಷ ರಾಧಾಕೃಷ್ಣ ಬೈತಡ್ಕ, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ಮರ್ಕಜ ಉಪಸ್ಥಿತರಿದ್ದರು. ಸುಳ್ಯ ತಾಲೂಕು ರಿಕ್ಷಾ ಚಾಲಕರ ಅಧ್ಯಕ್ಷ ರಾಧಾಕೃಷ್ಣ ಬೈತಡ್ಕ ಅವರು ಘಟಕದ ಸದಸ್ಯರೆಲ್ಲರಿಗೂ ಬಿಎಂಎಸ್ ನ ಮಹತ್ವ ಹಾಗೂ ಕಾನೂನು ಸಲಹೆ ಸೂಚನೆಗಳ ಬಗ್ಗೆ ಅರಿವು ಮೂಡಿಸಿದರು. ಪುನೀತ್ ಸಂಕೇಸ ಕಾರ್ಯಕ್ರಮ ನಿರೂಪಿಸಿದರು.
ಕುಮಾರಿ ಪ್ರಣಮ್ಯ ಕುಕ್ಕುಜಡ್ಕ ಪ್ರಾರ್ಥಿಸಿದರು. ವಾರ್ಷಿಕ ವರದಿಯನ್ನು ಪುನೀತ್ ಸಂಕೇಸ ಮಂಡಿಸಿದರು. ಈ ಸಂದರ್ಭದಲ್ಲಿ ನೂತನ ಪದಾಧಿಕಾರಿಗಳ ಆಯ್ಕೆ ಮಾಡಲಾಯಿತು. ಅಧ್ಯಕ್ಷರಾಗಿ ಸತೀಶ್ ಪಿಲಿಕಜೆ ಕಾರ್ಯದರ್ಶಿಯಾಗಿ ಪುನೀತ್ ಸಂಕೇಸ, ಸಂಘಟನಾ ಕಾರ್ಯದರ್ಶಿಯಾಗಿ ವಿನಾಯಕ ಪಾಡಜೆ ಮತ್ತು ನಿರ್ದೇಶಕರಾಗಿ ಹರೀಶ್ ಕೊರತ್ಯಡ್ಕ ಆಯ್ಕೆ ಮಾಡಲಾಯಿತು.
