ನ್ಯೂಸ್ ನಾಟೌಟ್‌: ಮುಂಬೈಗೆ ತೆರಳುತ್ತಿದ್ದ ಹೌರಾ-ಮುಂಬೈ ಪ್ಯಾಸೆಂಜರ್ ರೈಲಿನ ಸುಮಾರು 18 ಬೋಗಿಗಳು ಹಳಿ ತಪ್ಪಿದ ಪರಿಣಾಮ ಇಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದು, 20 ಮಂದಿ ಗಾಯಗೊಂಡಿರುವ ಘಟನೆ ಇಂದು(ಜು.30) ಮುಂಜಾನೆ ಜಾರ್ಖಂಡ್‌ನ ಚಕ್ರಧರ ವಿಭಾಗದ ರಾಜಖರ್ಸ್ವಾನ್ ಪಶ್ಚಿಮ ಹೊರ ಪ್ರದೇಶ ಮತ್ತು ಬಡಾಬಂಬೂ ನಡುವೆ ನಡೆದಿದೆ.
ಎಲ್ಲ ಗಾಯಾಳುಗಳಿಗೆ ರೈಲ್ವೆ ವೈದ್ಯಕೀಯ ತಂಡ ಪ್ರಥಮ ಚಿಕಿತ್ಸೆ ನೀಡಿದೆ ಎಂದು ಭಾರತೀಯ ರೈಲ್ವೆ ಹೇಳಿಕೆ ನೀಡಿದೆ. ರೈಲಿನ 18 ಬೋಗಿಗಳು ಹಳಿತಪ್ಪಿವೆ. ಮುಂಜಾನೆ 3.45ರ ಸುಮಾರಿಗೆ ಬಡಾಬಂಬೂ ಸಮೀಪ ಈ ಅವಘಡ ಸಂಭವಿಸಿದೆ ಎಂದು ಆಗ್ನೇಯ ರೈಲ್ವೆ ಪ್ರಕಟಣೆಯಲ್ಲಿ ಹೇಳಿದೆ. ಹಳಿತಪ್ಪಿದ 18 ಬೋಗಿಗಳಲ್ಲಿ 16 ಪ್ಯಾಸೆಂಜರ್ ಬೋಗಿಗಳು ಇತ್ತು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಮುಂಬೈಗೆ ಹೊರಟಿದ್ದ ರೈಲು ಸರಕು ಸಾಗಾಣಿಕೆ ರೈಲಿಗೆ ಡಿಕ್ಕಿ ಹೊಡೆದು ಈ ದುರಂತ ಸಂಭವಿಸಿದೆ.
Click
